ខ្សែប្រយុទ្ធអាហ្សង់ទីន វ័យ២៤ឆ្នាំ Paulo Dybala ពិតជាធ្វើឲ្យពិភពលោក មានការភ្ញាក់ផ្អើលយ៉ាងខ្លាំង ក្នុងរដូវកាលនេះ ឲ្យក្រុមសេះបង្កង់ Juventus ក្រោយពីពាក់អាវលេខ ១០ ​នាដើមរដូវកាលកន្លងមក។

ជាការពិតណាស់ ខ្សែប្រយុទ្ធដែលកំពុងតែទទួលបានការចាប់អារម្មណ៍យ៉ាងខ្លាំង នាពេលបច្ចុប្បន្ននេះ Paulo Dybala បានរកគ្រាប់បាល់ Hat trick ជាលើកទី២ហើយ ឲ្យក្រុមសេះបង្កង់ Juventus ក្រោយពីស៊ុតយកឈ្នះក្រៅដីលើក្រុម Sassuolo ក្នុងលទ្ធផល ៣-១។ ៣គរាប់របស់​ Dybala រកបាននៅនាទីទី ១៦, ៤៩ និង៦៣​ ខណៈគ្រាប់បាល់តដៃរបស់ក្រុម Sassuolo រកបាននៅនាទីទី ៥១​ដោយកីឡាករ Matteo Politano។ នេះគឺជាគ្រាប់បាល់ទ៨ហើយក្នុងចំណោម ៤ប្រកួតឲ្យ Juventus ក្នុងរដូវកាលនេះនៅ Serie A សម្រាប់ខ្សែប្រយុទ្ធ Paulo Dybala ខណៈ ធ្វើបាន Hat trick ២ប្រកួត និង ១គ្រាប់ចំនួន ២ប្រកួត ដែលសបញ្ជាក់ឲ្យឃើញថា Dybala ទាត់ចូលគ្រប់ការប្រកួតតែម្តង។ គួរបញ្ជាក់ផងដែរថា ៤ប្រកួតកន្លងមកនេះ​ ក្រុម Juventus មិនទាន់ស្គាល់ចាញ់ និងស្មើឡើយ ពោលគឺឈ្នះទាំង៤ប្រកួត កំពុងតែឈរកំពូលតារាង បណ្តោះអាសន្ន សិន។

ដូច្នេះហើយ តាមរយៈការស៊ុតគ្រាប់បាល់យ៉ាងល្អបបនេះ​ Dybala កំពុងតែធ្វើឲ្យពិភពលោក សម្លឹងឃើញថា រូបគេគឺជា កំពូលខ្សែប្រយុទ្ធដ៍ឆ្នើមមួយរូបនាពេលបច្ចុប្បន្ននេះ មិនចាញ់ Cristiano Ronaldo , Lionel Messi និង Neymar ឡើយ។

https://www.youtube.com/watch?v=eEiQ2b5AhFE