ក្រុមស្តេចស Real Madrid នៅតែធ្វើបានយ៉ាងល្អ ក្នុងជំនួបជាមួយក្រុម Real Socieded បើទោះបីជា កីឡាករ មិនពេញជើងក៍ដោយ។

ថ្វីបើលេងក្រៅដីមែន តែក្រុមស្តេចស Real Madrid ធ្វើបានយ៉ាងល្អ ដោយអាចយកឈ្នះលើក្រុម ម្ចាស់ផ្ទះ Real Socieded បានក្នុងលទ្ធផល ៣-១។ ខ្សែប្រយុទ្ធវ័យក្មេង Borja Mayoral បានរកគ្រាប់បាល់ ១គ្រាប់ឲ្យក្រុម Real Madrid ធ្វើការនាំមុខមុនតាំងពីនាទីទី ១៩មកម្លេះ ក៍ប៉ុន្តែត្រូវបានក្រុមម្ចាស់ផ្ទះតាមស្មើមកវិញ នៅនាទីទី២៨ ដោយកីឡាករ Kevin Rodriguez ។

យ៉ាងណាក៍ដោយ នៅនាទីទី៣៦ កីឡាករ Kevin Rodriguez ដដែល បានរកគ្រាប់បាល់ម្តងទៀត តែលើកនេះមិនមែនសំណាញ់ទីរបស់ក្រុម Real Madrid ឡើយ គឺជាការទាត់ចូលទីខ្លួនឯង ជាហេតុនាំឲ្យ Real Madrid នាំមុខសារជាថ្មីម្តងទៀត។ បន្ថែមលើនេះ នៅនាទីទី៦១ ខ្សែប្រយុទ្ធ Gareth Bale បានរក១គ្រាប់ទៀត ឲ្យក្រុម Real Madrid យកឈ្នះ ម្ចាស់ផ្ទះ Real Socieded ក្នុងលទ្ធផល ៣-១ ដោយទទួលបាន ៣ពិន្ទុបន្ថែមក្នុងសប្តាហ៍ទី៤នេះ។

គួរបញ្ជាក់ផងដែរថា ឆ្លងកាត់ ៤ប្រកួតកន្លងមក ក្រុម Real Madrid ឈ្នះ២ប្រកួត និងស្មើ២ប្រកួតមិនដែលចាញ់ឡើយ មាន ៨ពិន្ទុក្នុងដៃ។

https://www.youtube.com/watch?v=zIhi7l-FuX4