លោក Jose Mourinho បានធ្វើនូវរឿងប្លែកៗជាច្រើន ក្នុងការដឹកនាំក្រុមបីសាចក្រហម Manchester United នា១រដូវកាលកន្លងមកនេះ។

ជាក់ស្តែង បើតាមប្រភព Talk Sports បានឲ្យដឹងថា លោក Jose Mourinho នឹងរង់ចាំទទួល ខ្សែប្រយុទ្ធវ័យចំណាស់ Wayne Rooney ត្រឡប់មកកាន់ក្រុមបីសាចក្រហម Manchester United វិញ​ នៅពេលខាងមុខនេះ។ ជាក់ស្តែងណាស់ Rooney បានសម្រេចចិត្តទៅលេងឲ្យក្រុម Everton ដែល​ជាក្លិបចាស់ របស់គេវិញក្រោយពីផុតកុងត្រាជាមួ​យ​ Man Utd កាលពីរដូវក្តៅកន្លងមក។ ក្នុងនោះដែរ​ Rooney បានក្លាយជាឯកអគ្គរាជទូតសុឆន្ទៈ របស់ក្រុម Man Utd ដដែលបើទោះបីជារូបគេ បានទៅលេងនៅ Everton ក្តី។

យ៉ាងណាវិញ ក្រោយពីការបង្ហាញខ្លួនបានយ៉ាងល្អ​ ក្នុងជំនួបកាលពីថ្ងៃ អាទិត្យកន្លងមកនៅ Old Trafford លោក Jose Mourinho បាននិយាយនៅក្រោយការប្រកួតថា Wayne Rooney នៅតែជាកីឡាករដ៍ឆ្នើម របស់ក្រុមបីសាចក្រហម Manchester United ដដែល។ ម្យ៉ាងវិញទៀត Rooney អាចត្រឡប់មកកាន់ Old Trafford នេះបានប្រសិនបើ រូបគេមានបំណងចង់ត្រឡប់មកវិញ។ តាមរយៈសម្តីនេះ​ បង្ហាញឲ្យឃើញយ៉ាងច្បាស់ថា ទ្វារ Old Trafford កំពុងតែរង់ចាំ​ ការវិលត្រឡប់ទៅវិញរបស់ខ្សែ​ប្រយុទ្ធវ័យចំណាស់អង់គ្លេសរូបនេះ។

ថ្វីបើ Everton ជាកន្លែងផ្តល់កំណើតបាល់ទាត់ដល់ Rooney មែន តែ Man Utd គឺជាផ្ទះដ៍កក់ក្តៅមួយដែលធ្វើឲ្យ កីឡាករអង់គ្លេសរូបនេះទទួលបានប្រជាប្រិយភាពយ៉ាង​ខ្លាំងក្នុងពិភពបាល់ទាត់។