Post News Media ព័ត៌មានកីឡា Buffon ចូលរួម...

Buffon ចូលរួមជាមួយក្រុមជើងឯកបារាំង

ក្រោយពីសម្រេចចិត្តបញ្ចប់អាជីព ជាមួយក្រុមសេះបង្កង់ Juventus អ្នកចាំទីដៃស្អិត Gianluigi Buffon នៅមិនទាន់ព្យួរស្រោមដៃទុកទាំងស្រុងឡើយ​ដោយសម្រេចចិត្តបន្តអាជីព ក្នុងកម្រិតខ្ពស់ជាមួយក្រុមជើងឯកបារាំង ជាបន្តទៀត។

ជាក់ស្តែងណាស់ បើតាមការចុះផ្សាយរបស់ Italian Football News បានឲ្យដឹងថា Gianluigi Buffon កំពុងតែត្រៀមពិនិត្យសុខភាព ដើម្បីចុះកុងត្រា​រយ:ពេល២ឆ្នាំ ជាមួយក្រុម Paris Saint Germain ។ ប្រភពខាងលើនេះ បានបញ្ជាក់បន្ថែមទៀតថា មុននឹងឈានដល់ការចុះកុងត្រានេះដែរ Buffon កំពុងតែស្វះស្វែង ក្នុងការរកទិញផ្ទះ នៅតំបន់ក្បែរទីក្រុង ប៉ារីស ផងដែរ។

ជាការពិតណាស់ ការសម្រេចចិត្ត មកចូលរួមជាមួយក្រុម Paris Saint Germain នេះដែរ ត្រូវបានគេទម្លាយឲ្យដឹងថា ក្លិបបារាំងមួយនេះ នឹងមិនចំណាយ​លើតម្លៃខ្លួនឡើយ ព្រោះថា ព្រោះថា Buffon បានយល់ព្រមមកលេងឲ្យ Paris Saint Germain ដោយគ្មានតម្លៃខ្លួនឡើយ ក្រោយពីកុងត្រារបស់អ្នកចាំទីវ័យ​ចំណាស់រូបនេះ ត្រូវចប់ជាមួយ Juventus ។

ដូច្នេះហើយ រដូវកាលក្រោយនេះ អ្នកចាំទីដៃស្អិត អ៊ីតាលី Gianluigi Buffon នឹងត្រូវបង្ហាញខ្លួន ជាមួយក្រុម Paris Saint Germain ខណ:ការព្យួរស្រោមដៃ ត្រូវពន្យារយ:ពេល ២ឆ្នាំទៅមុខទៀត។