ក្រុមជើងខ្លាំង Bayern Munich ពិតជាមានការខកចិត្ត​យ៉ាងខ្លាំង បន្ទាប់ពីត្រូវក្រុម Wolfsburg វាយបកតាមស្មើ​វិញ​ នៅចុងម៉ោង ជាហេតុធ្វើឲ្យក្រុមការពារជើងឯក Bundesliga មួយនេះរបូតពិន្ទុក្នុងសប្តាហ៍នេះ។

លទ្ធផល ២-២​ កាលពីយប់មិញនេះ ពិតជាធ្វើឲ្យក្រុម Bayern Munich មានការខកចិត្តយ៉ាងខ្លាំង ដោយមិនអាចទទួលបាន ៣ពិន្ទុពេញក្នុងសប្តាហ៍ទី ៦នេះ។ ជាការពិតណាស់ Bayern Munich បានរកគ្រាប់បាល់នាំមុខលើក្រុមភ្ញៀវ Worlfsburg មុន នៅនាទីទី៣៣ ដោយការទាត់បាល់ ១១ម៉ែត្ររបស់ Robert Lewandowski និងគ្រាប់ទី២​ រកបានដោយ​កីឡាករដ៍ឆ្នើម Arjen Rubben នៅនាទីទី៤២។ យ៉ាងណាវិញចូលដល់តង់ទី២​ ក្រុម Bayern Munich ហាក់មានការប្រែប្រួលស្ថានការណ៍វិញ ព្រោះថានៅ​ នាទីទី ៥៦ កីឡាករ Maximilian Arnold បានរកគ្រាប់បាល់តាមពីក្រោយឲ្យក្រុម Worlfsburg ១គ្រាប់វិញ។

ជាងនេះទៅទៀត នៅនាទីទី៨៣​ កីឡាករ Daniel Didavi បានរកគ្រាប់បាល់ទី២​ តាមស្មើក្រុម Bayern Munich នៅចុងម៉ោង ដែលធ្វើឲ្យក្រុម របស់លោក Carlo Ancelotti មានការខកចិត្តយ៉ាងខ្លាំង។ ការប្រកួតស្មើនេះ បានធ្វើឲ្យ Bayern Munich ឈរត្រឹមលេខ ២ក្នុងតារាងប៉ុណ្ណោះ ដោយមាន ១៣ពិន្ទុស្មើក្រុមកំពូលតារាង Dortmund តែក្រុម Dortmund នៅសល់ ១ប្រកួតក្នុងដៃ។

//www.youtube.com/watch?v=kyFv93EzjFc