ខ្សែបម្រើ Daniel Ceballos ពិតជាមិនឲ្យក្រុម Real Madrid ខកបំណងឡើយក្នុងការបង្ហាញខ្លួនជំនួស Luka Modric ក្នុងទីលាន ដោយរលបាន២គ្រាប់ជួយឲ្យ Real Madrid ទទួលបាន ៣ពិន្ទុក្នុងសប្តាហ៍ថ្មីនេះ។

នៅមុនការប្រកួត អ្នកគាំទ្រក្រុម Real Madrid ពិតជាផ្តោតការយកចិត្តទុកដាក់យ៉ាងខ្លាំងទៅលើ កំពូលខ្សែប្រយុទ្ធ Cristiano Ronaldo ដែលជាគ្រាប់ពេជ្រក្នុងការរកគ្រាប់បាល់ឲ្យក្រុម Real Madrid ។ យ៉ាងណាវិញ ក្នុងការប្រកួតទល់នឹងក្រុម ម្ចាស់ផ្ទះ Alaves យប់មិញនេះ ខ្សែបម្រើបម្រុងវ័យក្មេង Daniel Ceballos ដែលត្រូវបានលោក Zidane ផ្តល់ឱកាសឲ្យលេង ១១នាក់ដំបូងជំនួសតំណែងរបស់ Modric នោះ ពិតជាធ្វើបានយ៉ាងល្អ ដោយស៊ុត ២គ្រាប់ជួយឲ្យ Real Madrid យកឈ្នះលើក្រុម Alaves ក្នុងលទ្ធផល ២-១ ។

Ceballos បានរកគ្រាប់បាល់ ឲ្យ Real Madrid នាំមុខមុនតាំងពីនាទីទី ១០ តែត្រូវតាមស្មើមកវិញដោយក្រុមម្ចាស់ផ្ទះ តាមរយៈការតែតបាលយ៉ាងល្អរបស់កីឡាករ Manu Garcia នៅនាទីទី ៤០ ក៍ប៉ុន្តែនៅ ៣នាទីបន្ទាប់ ពោលនៅនាទីទី ៤៣ ខ្សែបម្រើ Daniel Ceballos ដដែលបានរកគ្រាប់បាល់ទី២ ដែលជាគ្រាប់បាល់ជ័យជម្នះឲ្យក្រុម Real Madrid ក្នុងការផ្តួលក្រុមម្ចាស់ផ្ទះ Alaves ក្នុងលទ្ធផល ២-១ យ៉ាងប្រថិតប្រថោយ ។

ដូច្នេះហើយ ក្រុមយក្ស Real Madrid បានទទួល៣ពិន្ទុដំបូង​ ក្នុងចំណោម ៤ប្រកួតចុងក្រោយរបស់ Real Madrid ក្រោយពីស្មើ ២ និងចាញ់១ នាពេលកន្លងមក។

https://www.youtube.com/watch?v=tUjDCecQ4nc