Axel Witsel ខ្សែបម្រើឆ្នើមម្នាក់ក្នុងជម្រើសជាតិបែលហ្សិក និងក្លឹប Zenit ត្រូវបានក្លឹបនៅចិនមួយទាក់ទងទិញយក ក្នុងតម្លៃពលកម្មរហូតដល់៣០០ ០០០ផោនឯណោះ។
បើតាមចុះផ្សាយពីកាសែតនៅបែលហ្សិកបានឱ្យដឹងថា Witsel ត្រូវបានក្លឹប Tianjin ទិញយកបានហើយក្នុងតម្លៃពលកម្មរហូតដល់ ៣០០ ០០០ផោនក្នុង១សប្ដាហ៍ ឬ១៨លានអឺរ៉ូក្នុង១ឆ្នាំ។ ខ្សែបម្រើរបស់ក្លឹប Zenit មួយនេះក៏មានក្លឹបជាច្រើននៅអឺរ៉ុបចង់បានដែរ ប៉ុន្តែជាចុងក្រោយរូបគេបែរជាសម្រេចផ្ញើរអនាគតនៅក្លឹបក្នុងប្រទេសចិនទៅវិញ។
ត្រឹមមួយរយៈខ្លីនេះ មានកីឡាករឆ្នើមៗច្រើន បានផ្លាស់ទៅលេងនៅប្រទេសចិនហើយ តួយ៉ាងដូចជា Carlos Tevez ផ្លាស់ទៅ Shanghai Shenhua ក្នុងតម្លៃពលកម្ម ៦១៥ ០០០ផោនក្នុង១សប្ដាហ៍ និង Oscar ផ្លាស់ទៅ Shanghai SIPG ក្នុងតម្លៃខ្លួន ៥០០ ០០០ផោនក្នុង១សប្ដាហ៍៕
មតិយោបល់