លោក Zidane បានធ្វើការប្រៀបធៀប ខ្សែប្រយុទ្ធវ័យក្មេង Borja Mayoral ថាជាខ្សែប្រយុទ្ធដែលល្អជាង Alvaro Morata និង Mariano Diaz ។

ជាការពិតណាស់ បើតាមការចុះផ្សាយរបស់ Daily Mail បានឲ្យដឹងថា លោក Zidane មានការពេញចិត្តយ៉ាងខ្លាំងជាមួយនឹងសមត្ថភាពរបស់ខ្សែ​ប្រយុទ្ធវ័យក្មេង Borja Mayoral ដែលមិនសូវមានឱកាសបានបង្ហាញខ្លួនឲ្យ Real Madrid នោះ។ ក្នុងនោះដែរ លោក Zidane បានសរសើរដល់ Mayoral ថា សមត្ថភាពរបស់កីឡាកររូបនេះ​ នឹងប្រសើរជាង Alvaro Morata ដែលក្លិបបានលក់ ទៅឲ្យក្រុម​ Chelsea និង Mariano Diaz ដែលបានផ្លាស់ទៅលេងនៅក្រុម Lyon ។

លោកបានបន្តទៀតថា​ ប្រសិនបើ Mayoral មានឱកាសបានលេងច្រើនវិញនោះ នោះសមត្ថភាពរបស់គេ នឹងកាន់តែប្រសើរជាងនេះ។ លោកក៍បានបន្ថែមទៀតដែរថា ក្លិបបានត្រៀមរួចរាល់ហើយ ក្នុងការផ្តល់ឱកាសដល់ Mayoral លេងបានច្រើន ទាំងនៅ Laliga ​ និង Champion League រួមទាំង Copa De Rey ផងដែរ ដើម្បីបន្តវាស់ស្ទង់ពីសមត្ថភាពរបស់​ Mayoral ។

Mayoral នឹងប្រសើរច្រើន ព្រោះថាតិចនិកប្រយុទ្ធរបស់គេ មានភាពប្រសើរជាង Morata និង Mariano ឆ្ងាយណាស់។ ម្យ៉ាងវិញទៀតនោះ Borja Mayoral នឹងក្លាយជាខ្សែប្រយុទ្ធជួរមុខ របស់ក្រុម Real Madrid នៅក្នុងពេល​ ឆាប់ៗនេះជាក់ជាមិនខាន។