ក្រុមកំពុងលេងឡើងជើង Manchester City បានឡើងទៅឈរកំពូលតារាងពូល F បណ្តោះអាសន្ន បន្ទាប់ពី យកឈ្នះក្រុមខ្លាំងមកពីអ៊ុយក្រែន Shakhtar Donetsk ក្នុងលទ្ធផល ២-០ ។

ជ័យជម្នះ ២-០​ ដែលក្រុម Man City អាចធ្វើបានលើក្រុម Shakhtar Donetsk យប់មិញនេះ បានធ្វើឲ្យក្រុមជើង​ខ្លាំងអង់គ្លេសមួយនេះ ឈ្នះ២ប្រកួតផ្ទួនៗគ្នាហើយ នៅ Champion League ។ ២គ្រាប់របស់ក្រុម Man City រកបាននៅតង់ទី២​ ទាំងអស់ដែលរបានដោយ ខ្សែបម្រើប៊ែលហ្ស៊ិក Kevin De Bruyne នៅនាទីទី ៤៨ និងខ្សែប្រយុទ្ធអង់គ្លេស Raheem Sterling នៅនាទីទី៩០​។ ក្នុងនោះដែរ ខ្សែប្រយុទ្ធអាហ្សង់ទីន Sergio Aguero បានធ្វើឲ្យខកខានរកគ្រាប់បាល់១គ្រាប់ តាមរយៈការស៊ុតបាល់ ១១ម៉ែត្រមិនចូលនៅនាទីទី ៧២។

តាមរយៈការប្រកួតនេះ ក្រុម Man City មាន ៦ពិន្ទុក្នុងដៃឈរកំពូលតារាង​ ខណៈក្រុម Napoli និង Shakhtar Donetsk មាន ៣ពិន្ទុដូចគ្នា ចំណែកក្រុម Feyenoord មិនទាន់មានពិន្ទុក្នុងដៃឡើយ។ ដូច្នេះហើយ ក្នុងពូល​ F នេះប្រហែលជាមិនមានការលំបាកឡើយសម្រាប់ក្រុម Manchester City ក្នុងកាឡើងទៅកាន់វគ្គបន្តទៀត។

https://www.youtube.com/watch?v=9KNL4i_odIo&t=63s