ក្រុមសេះបង្កង់ Juventus អាចរកបាន ៣ពិន្ទុដំបូង នៅ Champion League ហើយ បន្ទាប់ពីយកឈ្នះក្រុម Olympiacos ២-០ ស្របពេលដែលក្រុមខ្លាំងអេស្ប៉ាញ Barcelona យកឈ្នះយ៉ាងតឹងតែងលើក្រុម Sporting CP របស់ព័តទុយហ្គាល់ ១-០​ ដោយបាល់ Own goal ។

Juventus ពិតជាធ្វើបានយ៉ាងល្អ ក្រោយពីការប្រកួតបើកឆាកចាញ់ក្រុម Barcelona យ៉ាង​ចាស់ដៃកន្លងមក បានធ្វើឲ្យក្រុមអ៊ីតាលីមួយនេះ មកយកឈ្នះក្រុមក្រិក Olympiacos វិញក្នុងលទ្ធផល ២-០។ ២គ្រាប់របស់ម្ចាស់ផ្ទះអ៊ីតាលី រកបានដោយខ្សែប្រ​យុទ្ធអាហ្សង់ទីន Gonzalo Higuain នៅនាទីទី៦០​ និងខ្សែប្រយុទ្ធវ័យចំណាស់ Mario Mandzukic នៅនាទីទី៨០​តាមរយៈការបញ្ជូនបាល់យ៉ាងស្អាតពីកីឡាករ Paulo Dybala ។ ហេតុនេះហើយ ក្រុមសះបង្កង់ Juventus នៅតែជាក្រុមខ្លាំងដដែល ក្នុងយុទ្ធនាការណ៍​ UEFA Champion League ដែលក្រុមអ៊ីតាលីមួយនេះ នៅតែមានភាគរយខ្ពស់ក្នុងការឡើងទៅកាន់វគ្គបន្ត។

ចំណែកក្រុម Barcelona វិញ បន្តទទួលបាន ៣ពិន្ទុបន្ថែមទៀត ដោយបានយកឈ្នះក្រុម Sporting CP ១-០​​ យ៉ាងតានតឹងបំផុត។ ១គ្រាប់របស់ Barcelona រកបានដោយការទាត់បញ្ចូលទីខ្លួនឯងរបស់កីឡាករ Sebastian Coates នៅនាទីទី៤៩​ ខណៈកីឡាករឆ្នើមៗ​របស់ Barcelona មិនអាចទម្លាយសំណាញ់ទីរបស់ក្រុម Sporting CP បានឡើយ។ ដូច្នេះហើយ Barcelona នៅតែបន្តឈរកំពូលតារាងដដែលខណៈក្រុម Sporting CP​ និង Juventus មាន ៣ពិន្ទុដូចគ្នា។

https://www.youtube.com/watch?v=k6VhW8044Qo

https://www.youtube.com/watch?v=vHu3uezkdMY