ក្រុមតោខៀវ Chelsea បានធ្វើឲ្យក្រុមអេស្ប៉ាញ Atletico Madrid ខកចិត្តយ៉ាងខ្លាំង បន្ទាប់ពីបានវាយបកយកឈ្នះវិញ នៅតង់ទី២​ ដណ្តើម ៣ពិន្ទុយកមកវិញ យ៉ាងអស្ចារ្យបំផុតសម្រាប់ក្រុមជើងខ្លាំង អង់គ្លេសមួយនេះ។

ជាក់ស្តែងណាស់ បន្ទាប់ពីត្រូវបានក្រុមម្ចាស់ផ្ទះអេស្ប៉ាញ Atletico Madrid នាំមុខមុនតាំងពីនាទីទី៤០​​ ដោយការ​ទាត់បាល់ពិន័យ ១១ម៉ែត្ររបស់ខ្សែប្រយុទ្ធបារាំង Antonie Griezmann បានធ្វើឲ្យ Chelsea មានការព្យាយាមយ៉ាង​ខ្លាំង។ ការប្រឹងប្រែងនេះ គឺពិតជាមិនធ្វើឲ្យក្រុមតោខៀវ Chelsea ខកចិត្តឡើយ ព្រោះថានៅនាទីទី ៦០ ខ្សែប្រយុទ្ធអេស្ប៉ាញ Alvaro Morata បានរកគ្រាប់បាល់ ១គ្រាប់ តាមស្មើឲ្យក្រុម Chelsea វិញដែលនេះគឺជាក្តីសង្ឃឹមមួយ សម្រាប់ក្រុមតោខៀវ ក្នុងការ​រកពិន្ទុពីការប្រកួតនេះ។ យ៉ាងណាក៍ដោយ នៅនាទីទី ៩០​ ជិតនឹងបញ្ចប់ការប្រកួតទៅហើយនោះ ខ្សែប្រយុទ្ធវ័យក្មេង Micky Batshuayi បានរកគ្រាប់បាល់ទី២ ឲ្យក្រុម តោខៀវ Chelsea ក្នុងការយកឈ្នះលើក្រុមម្ចាស់ផ្ទះ Atletico Madrid ក្នុងលទ្ធផល ២-១​ ។

ដូច្នេះហើយ នេះគឺជាការវាយបកយ៉ាងអស្ចារ្យ សម្រាប់ក្រុមតោខៀវ Chelsea ដែលអាចធ្វើបានយ៉ាងល្អ ក្នុងការបន្តរក៣ពិន្ទុ​​លើក្រុមខ្លាំងមកពីអេស្ប៉ាញ Atletico Madrid ។ Chelsea មាន ៦ពិន្ទុឈរកំពូលតារាង​ ខណ:ក្រុម Roma ឈរលេខ២​ មាន៤ពិន្ទុ ក្រោយពីឈ្នះក្រុមម្ចាស់ផ្ទះ Qarabag ក្នុងលទ្ធផល ២-១ ចំណែក Atletico Madrid ឈរលេខ៣មាន ១ពិន្ទុ និង Qarabag បាតតារាង មាន០ពិន្ទុ។

//www.youtube.com/watch?v=ClJME8d6uc4