ខ្សែប្រយុទ្ធវ័យក្មេងបារាំង Anthony Martial បានបង្ហាញ​ខ្លួនយ៉ាងល្អឲ្យក្រុមបីសាចក្រហម Manchester United ក្នុងជំនួបជាមួយក្រុម CSKA Moscow នៅលើទឹកដីរស្ស៊ី យប់មិញនេះ ដោយបានជួយឲ្យក្លិបឈ្នះ ៤-១​ ។

ជាការពិតណាស់ ក្នុងជំនួបជាមួយ CSKA Moscow ខ្សែប្រយុទ្ធមុខមិនរីក Anthony Martial បានស៊ុត១គ្រាប់​ដោយបាល់ ១១ម៉ែត្រក្នុងចំណោម ៤គ្រាប់ដែលបីសាចក្រ​ហម អាចធ្វើបាន។ មិនតែប៉ុណ្ណោះ ៣គ្រាប់ផ្សេងទៀត ដែល Lukaku ស៊ុតបាន ២គ្រាប់ និង Mhkitaryan ស៊ុតបាន១​គ្រាប់ទៀតនោះសុទ្ធសឹងជាគ្រាប់បាល់ ដែលកើតចេញពីការ​បញ្ជូនយ៉ាងស្អាចចេញពីជើងរបស់កីឡាករមុខមាំ Anthony Martial ទាំងអស់។ Martial បានលេងយ៉ាងល្អ​ដោយដើរតួអង្គជា កីឡាករដ៍សំខាន់ឲ្យ Man Utd ក្នុងជំនួបនៅ UEFA Champion League នេះ។ និយាយរួមក្នុងការប្រកួតយប់មិញនេះ Anthony Martial ស៊ុតបាន១គ្រាប់ និងបោះបាល់ឲ្យមិត្តរួមក្រុមទាត់បញ្ចូលទី៣គ្រាប់ ក្នុងចំណោម ៤គ្រាប់ដែល Man Utd រកបាន ដែលបង្ហាញឲ្យឃើញថា Martial បានចូលរួមចំណែកគ្រប់​គ្រាប់បាល់ទាំងអស់ ឲ្យក្រុម Man Utd យប់មិញនេះ។

ដូច្នេះហើយ តួឯកដ៍សំខាន់មួយនេះ ច្បាស់ណាស់ថា នឹងមានឱកាសលេងក្នុងជម្រើស ១១នាក់ដំបូងបន្តទៀតឲ្យក្រុម បីសាចក្រហម Manchester United ទាំង Champion League និង Premier League ដែលអាចរង្គោះរង្គើដល់តំណែងខ្សែប្រ​យុទ្ធវ័យក្មេងអង់គ្លេស Marcus Rashford ។

https://www.youtube.com/watch?v=yhPHkXN9Cpk