ក្រុមកាភ្លើងធំ Arsenal បានទៅបំបាក់ក្រុមម្ចាស់ផ្ទះ BATE Borisov ក្នុងលទ្ធផល ៤-២​ ក្នុងជំនួប UEFA Europa League សប្តាហ៍ទី២​ នាយប់មិញនេះ បន្តទៀត។

Arsenal រកបាន៣ពិន្ទុបន្តទៀត យ៉ាងអស្ចារ្យ ក្នុងការយក​ឈ្នះលើក្រុម BATE Borisov យប់មិញនេះ។ ក្រុមជើងខ្លាំងអង់គ្លេសមួយនេះ បានចាប់ផ្តើមវាយលុកតាំង​ពីបើកឆាកការប្រកួតភ្លាមៗតែម្តង ដោយសម្រេចគ្រាប់បាល់ដំបូង នៅនាទីទី៩​​ ដោយកីឡាករ Theo Wlcott។ ជាងនេះទៅទៀត នៅនាទីទី ២២​ កីឡាករ Theo Welcott ដដែលបានរកគ្រាប់បាល់១គ្រាប់​ទៀត ឲ្យក្រុមកាំភ្លើងធំ Arsenal ៣នាទីបន្ទាប់ ពោលនៅ នាទីទី ២៥​ កីឡាករ Rob Holding រកបានគ្រាប់ទី៣​ ឲ្យ Arsenal នាំមុខ ៣-០​​ជាបណ្តោះអាសន្នសិន។

យ៉ាងណាវិញ ក្រុមម្ចាស់ផ្ទះ BATE Borisov បានរកគ្រាប់បាល់ តាមពីក្រោយ១គ្រាប់វិញនៅនាទីទី២៨​ដោយការស៊ុតរបស់កីឡាករ Mirko Ivanic ដែលបញ្ចប់តង់ទី១​ Arsenal នាំមុខ ៣-១។ ឈានចូលដល់តង់ទី២​ Oliver Giroud បានបន្ថែមគ្រាប់​ទី៤​ ឲ្យក្រុមកាំភ្លើងធំ Arsenal តាមរយ:ការស៊ុតបាល់ ១១​​ម៉ែត្រ នៅនាទីទី ៤៩​ ក្រោយពីកីឡាកររបសក្រុមម្ចាស់ផ្ទះ បង្កកំហុសក្នុងតំបន់គ្រោះថ្នាក់។ ក៍ប៉ុន្ត នៅនាទីទី៦៧​ កីឡាករ Mikhail Gordeychuk​ បានរក១គ្រាប់ទៀត តាមពីក្រោយក្រុមកាំភ្លើងធំ Arsenal បន្តទៀត។

ដូច្នេះហើយ ចប់ការការប្រកួត ក្រុម BATE Borisov បាន​បរាជ័យ ក្រោមស្នាដៃក្រុមកាំភ្លើងធំ Arsenal ក្នុងលទ្ធផល ៤-២ ក្នុងការប្រកួតទី២​ នៃក្របខ័ណ្ឌ UEFA Europa League នេះ។

//www.youtube.com/watch?v=UsOo2hv50BM