អ្នកចាត់ការទូទៅ របស់ក្រុមបីសាចក្រហម Manchester United លោក Jose Mourinho បានប្រាប់អ្នកសារពត៌មាន ក្រោយចប់ការប្រកួតថា៖ ក្រុមនៅតែចង់បាន Gareth Bale ហើយការប្រកួតនេះ មិនអាចរារាំង មហិច្ចតារបស់យើង ក្នុងការនាំយកខ្សែប្រយុទ្ធវែលរូបនេះឡើយ។

បើទោះបីជាលោក Mourinho ធ្លាប់បាននិយាយថា មិនទិញខ្សែប្រយុទ្ធស្លាប Gareth Bale នៅរដូវកាលនេះក៍ដោយ ក៍ប៉ុន្តែ ក្រោយចប់ការប្រកួត Super Cup ដែល Man Utd ចាញ់ Real Madrid ២-១នោះ អ្នកចាត់ការទូទៅរូបនេះ បានសម្រេចចិត្តតាមប្រមាញ់ Bale ក្នុងរដូវកាលនេះវិញ។ ជាក់ស្តែងណាស់ ក្នុងបទសម្ភាសន៍ ក្រោយចប់ការប្រកួត លោក Jose Mourinho បាននិយាយថា ទំនងជាការប្រកួតនេះហើយ អាចជាស្ពានមួយ សម្រាប់ក្រុមបីសាចក្រហម Manchester United អាចនាំយកខ្សែប្រយុទ្ធ Gareth Bale ក្នុងពេលឆាប់ៗនេះ។

ថ្វីបើក្រុមតោខៀវ Chelsea បានចូលខ្លួនមកប្រជែងដេញថ្លៃទិញ Gareth Bale ក្នុងតម្លៃខ្លួន ៩០លានផោនដូចគ្នាក៍ដោយ តែលោក Jose Mourinho ជឿជាក់ថា Bale ប្រាកដជាមកកាន់ Man Utd ជាជាងទៅកាន់ក្រុម Chelsea ។ ម្យ៉ាងវិញទៀតនោះ លោក Mourinho មានទំនាក់ទំនងល្អច្រើនជាមួយ Real Madrid ដែលលោក សង្ឃឹមថា លោកនឹងអាចនាំយកកម្លាំងថ្មី ដ៍សំខាន់នេះ មកកាន់ក្លិប នៅរដូវកាលនេះ។

គួរបញ្ជាក់ផងដែរថា ប្រសិនបើ Man Utd អាចទិញបាន Gareth Bale មែននោះ នឹងក្លាយជាកីឡាករទី៤ហើយ ដែលក្រុមបីសាចក្រហមទិញ ក្នុងរដូវកាលនេះ រួមមានដូចជា Lindelof ពី Benfica, Lukaku ពី Everton និង Matic ពី Chelsea ។ ក៍ប៉ុន្តែ លោក Mourinho បានបង្ហាញ នូវសុទិដ្ឋិនិយមផងដែរថា Bale ទំនងជារីករាយ បន្តនៅ ជាមួយ Real Madrid ក្រោយឈ្នះ Super Cup ណាស់ ដែលអាចធ្វើឲ្យរូបគេមិនចាកចេញ តែយើងនៅតែចង់បានដដែល។