កំពូលខ្សែប្រយុទ្ធឆ្នើម Cristiano Ronaldo តារាស៊ុតដ៍ឆ្នើមរបស់ក្រុម Real Madrid នៅមិនទាន់រកគ្រាប់បាល់បានឡើយក្នុងក្របខ័ណ្ឌ Laliga ក្រោយពីបង្ហាញខ្លួនបាន ៣ប្រកួតកន្លងមក។

តារាស៊ុតដ៍ឆ្នើមរបស់ក្រុម Real Madrid កីឡាករ Cristiano Ronaldo មិនទាន់រកគ្រាប់បាល់បានឡើយ ក្នុងលីគកំពូលអេស្ប៉ាញ មកទល់ពេលនេះ។ បន្ទាប់ពីរួចផុតពីការពិន័យរបស់សហព័ន្ធបាល់ទាត់អេស្ប៉ាញ Ronaldo គឺជាក្តីសង្ឃឹមរបស់អ្នកគាំទ្រ និងក្រុម Real Madrid ក្នុងការរកគ្រាប់បាល់បញ្ចូលទីគូប្រកួត។ ក៍ប៉ុន្តែ ៣ប្រកួតកន្លងមកហើយ ដែល Ronaldo មិនអាចរកគ្រាប់បាល់ឲ្យ Real Madrid បានឡើយខណៈកីឡាករឆ្នើមរូបនេះ មានឱកាសច្រើន តែមិនអាចធ្វើការទម្លាយសំណាញ់ទីគូប្រកួតបានទៅវិញ។ ថ្វីបើ Ronaldo មិនអាចទម្លាយសំណាញ់ទីនៅ Laliga ក៍ប៉ុន្តែ Ronaldo បែរជាធ្វើបានយ៉ាងល្អ ក្នុងការបង្ហាញខ្លួន នៅ UEFA Champion League ដោយបង្ហាញខ្លួនត្រឹម ២ប្រកួតប៉ុណ្ណោះ រូបគេអាចស៊ុតបានដល់ទៅ ៤គ្រាប់ ។

ដូច្នេះហើយ Cristiano Ronaldo ត្រូវតែខិតខំស៊ុតឲ្យបានច្រើនគ្រាប់ នៅការប្រកួតបន្តបន្ទាប់ទៀត ព្រោះថា​ គូប្រជែងរបស់គេ Lionel Messi ស៊ុតដាច់ ១១គ្រាប់ហើយ ដែលតម្រូវឲ្យ Ronaldo ពិបាកក្នុងការតាមគ្រាប់បាល់យ៉ាងច្រើននេះណាស់។ រង់ចាំមើលថា​តើ Ronaldo អាចស៊ុតចូលគ្រាប់ដំបូងនៅ Laliga រដូវកាលនេះ នៅការប្រកួតក្រោយ ឬប៉ុន្មានការប្រកួតទៀត?