គ្រូបង្វឹកជនជាតិហូរឡង់លោក Louis Van Gaal ត្រូវបាន​ជ្រើសរើសឲ្យមកដឹកនាំក្រុម Bayern Munich សារជាថ្មី​ម្តងទៀត ក្រោយពីលោក Carlo Ancelotti ត្រូវអស់តំណែង នៅក្រុមជើងឯកអាឡឺម៉ង់មួយនេះ។

បន្ទាប់ពីត្រូវបានចាកចេញពីក្រុម Bayern Munich កាលពីប៉ុន្មានឆ្នាំមុនកន្លងមក នៅពេលនេះលោក Louis Van Gaal ត្រូវបានក្រុម Bayern Munich កោះហៅឲ្យ​មកកាន់តួនាទីជាគ្រូបង្វឹកវិញហើយ។​ តាមរយ:ការជ្រើសយក​លោក Van Gaal នេះដែរ ក្រុម Bayern Munich បានបោះបង់ចោលការចាប់អារម្មណ៍​លើលោក Julian Nagelsmann គ្រូបង្វឹករបស់ក្រុម Hoffenhiem ដែលក្លិបចង់បាននៅពេលមុន។

ការដឹកនាំ​ មិនល្អ ក្នុងមួយរយ:ចុងក្រោយនេះ របស់លោក Carlo Ancelotti ពិតជាមិនអាចឲ្យក្លិបទទួលយកបានឡើយ ព្រោះថា ជិត​ ៦ឆ្នាំចុងក្រោយនេះ Bayern Munich មិនដែលលេងអន់ដូចឆ្នាំនេះឡើយ។ ចំពោះការកោះហៅ​លោក Louis Van Gaal ត្រឡប់មកវិញនេះដែរ ក្រុម Bayern Munich ជឿជាក់ថា ក្លិបនឹងទទួលបានជោគជ័យដូចកាលពេលលោកដឹកនាំ កាលពីពេលមុនផងដែរ។

លោក Van Gaal នឹងត្រូវមកជំនួសតំណែងលោក Carlo Ancelotti ក្នុងពេលដ៍ខ្លីខាងមុខនេះ ដែលគេជឿជាក់ថា លោក Louis Van Gaal អាចធ្វើឲ្យ Bayern Munich ល្អប្រសើរជាងមុនជាក់ជាមិនខាន។ ម្យ៉ាងវិញទៀត លោក Louis Van Gaal មានបំណងដឹកនាំក្រុម Bayern Munich ឈ្នះពាន Champion League ដែលជាក្តីស្រម៉ៃរបស់លោកផងដែរ។