ក្រុមជើងឯក World Cup ៤សម័យកាល អាសារិ អ៊ីតាលី បានជ្រុះចេញ ពីការប្រកួតជម្រុះ ឡើងទៅកាន់ការប្រកួត World Cup ២០១៨ នៅរុស្ស៊ីហើយ បន្ទាប់ពីលេង Play Off ទាំង២ជើងចាញ់ក្រុម ស៊ុយអ៊ែត ១-០ ។

នេះគឺជាការខកចិត្តយ៉ាងធំមួយ សម្រាប់ក្រុមជើងខ្លាំងអ៊ីតាលី ដែលត្រូវជ្រុះចេញ ទាំងមិនទាន់ឡើងដល់វគ្គចែកពូល World Cup នោះ។ ជា​ការពិតណាស់ អ៊ីតាលី មិនអាចធ្វើអ្វីលើក្រុម ស៊ុយអ៊ែតបាន​ឡើយ បើទោះបីជា លេងក្នុងទឹកដីខ្លួនឯងក៍ដោយ ដោយរក្សាលទ្ធផល នៅទ្រឹង ០-០ ដែលធ្វើឲ្យអ៊ីតាលី ត្រូវជ្រុះចេញ ដោយកាលពីជើងទី១ អ៊ីតាលី ចាញ់ក្នុងផ្ទះ​ស៊ុយអ៊ែត ១-០ ។ ថ្វីបើនេះគឺជារឿងដ៍អាក្រក់ សម្រាប់អ៊ីតាលី តែវាគឺជារឿងយ៉ាងល្អ សម្រាប់ក្រុមជម្រើស​ជាតិស៊ុយអ៊ែត ព្រោះថា ពួកគេអាចឡើងទៅលេងវគ្គចែកពូល World Cup នៅរុស្ស៊ី ឆ្នាំក្រោយនេះ ។

យ៉ាងណាវិញ ការអវត្តមានក្រុមខ្លាំង អ៊ីតាលី ពិតជារឿងដ៍សោកស្តាយខ្លាំងណាស់ សម្រាប់ព្រឹត្តិការណ៍ដ៍ធំមួយនេះ ខណៈ ក្រៅពីអ៊ីតាលី នៅមាន ហូរឡង់ , ឈីលី និងសហរដ្ឋអាមេរិក ជាដើម ដែលខកខានមិនបានឡើងទៅលេង World Cup ។ ដូច្នេះហើយ World Cup នៅរុស្ស៊ី ឆ្នាំក្រោយនេះ នឹងអវត្តមានក្រុមខ្លាំងៗ ជាច្រើន ក្នុងព្រឹត្តិការណ៍ ដ៍ធំរបស់ពិភពលោកមួយនេះ ។

https://www.youtube.com/watch?v=XfXc9HGMnR8