ខ្សែប្រយុទ្ធអាហ្សង់ទីន Lionel Messi កំពុងតែទទួលបាន​ជោគជ័យយ៉ាងខ្លាំង ទាំងអាជីពជាកីឡាករបាល់ទាត់ ដ៍ល្បី​ល្បាញ និងជីវិតយ៉ាងរីករាយ ក្នុងគ្រួសាររបស់ តារាបាល់ទាត់ឆ្នើមរូបនេះ​។

ជាក់ស្តែងណាស់ តាមរយៈ រូបថត ដែលផុសក្នុង Istagram ផ្ទាល់របស់ Lionel Messi បានបង្ហាញឲ្យ​ដឹង​ថា តារាស៊ុតរបស់ក្រុម Barcelona រូបគេកំពុងតែសប្បាយចិត្តយ៉ាងខ្លាំង ដោយប្រពន្ធដែលទើបរៀបការប៉ុន្មានខែមកនេះនាង Antonella Roccuzzo ទម្ងន់កូនទី ៣ហើយ។ Messi សប្បាយចិត្តយ៉ាងខ្លាំង ព្រោះថានេះគឺជាដំណឹងដ៍រីករាយ សម្រាប់រូបគេ ដែលត្រៀមទទួលបានកូនទី ឬសមាជិកម្នាក់​ទៀតក្នុងគ្រួសារ។

Lionel Messi និងនាង Antonella Roccuzzo មានចំណងដៃកូន ២នាក់រួចមកហើយ ដែលក្នុងនោះរួមមាន Mateo និង Thaigo ហើយសម្រាប់សមាជិកថ្មី ដែលកំពុងនៅក្នុងឧទ្ធរណ៍នេះដែរ គឺជាចំណងដៃថ្មីស្រឡាង ក្រោយពេលអ្នកទាំង ២បានរៀបការរួច។ គួរបញ្ជាក់ផងដែរថា Meesi គឺជាតារាបាល់ទាត់ ដ៍ឆ្នើមមួយរូបដែលទទួលបានការ​ចាប់អារម្មណ៍យ៉ាងខ្លាំង ទាំងក្នុងអាជីពបាល់ទាត់ និងជីវិត​ឯកជន។

ដូច្នេះហើយ ដំណឹងដ៍រីករាយ ដែលកីឡាកររូបនេះ កំពុងត្រៀមក្លាយជាឪពុក​របស់កូនទី៣ នោះ កំពុងត្រូវបានចែកចាយ តាមបណ្តាញ​សង្គមជាច្រើន ហើយក៍ទទួលបានការចាប់អារម្មណ៍ច្រើន ពីអ្នកទស្សនាផងដែរ។