នៅថ្ងៃសុក្រ ទី០៦ ខែតុលា ឆ្នាំ២០១៧ ស្អែកនេះ កីឡាករប្រដាល់គុនខ្មែរដែលមានត្រកូល ឡៅ ទាំងពីរនាក់បងប្អូន ត្រូវប្រកួតជាមួយកីឡាករជើងខ្លាំងមកពីប្រទេសថៃដូចគ្នា នៅក្នុងកម្មវិធីជើងឯកលេខ១គូប៊ូតា នាសង្វៀនបាយ័នស្ទឹងមានជ័យ។

ឡៅ ចន្ទ្រា ត្រូវតទល់ជាមួយ ណាវី ជេ ផាវើយរូផ ដែលជាកីឡាករជើងខ្លាំងមួយរូប នឹងធ្លាប់យកឈ្នះ មឿន សុខហ៊ុច (ពិន្ទុ ) ទៀតផង ។ ខណៈដែលម្ចាស់ មេដាយ សំរិទ្ធ ស៊ីហ្គេម ឡៅ ចិន្ត្រា ត្រូវប៉ះ ឆ័យឆ្នះ ប៉ាក់ថុងឆ័យ ដែលទើប តែយក ឈ្នះ គង់ ហ៊ូវ ជាកីឡាករខ្លាំងគូសមរបស់កម្ពុជា ក្នុងជំនួបនេះដែរក៏មានគូមិត្តភាពជាតិរវាង ឯម ខ្លឹមស នឹង កេត វណ្ណឌី ផងដែរ។

សូមបញ្ជាក់ផងដែរថា ការប្រកួតនឹងចាប់ផ្តើមពីម៉ោង ៧ៈ០០នាទីល្ងាចតទៅ នាសង្វៀនបាយ័នស្ទឹងមានជ័យ ខណៈដែលអ្នកមិនបានទៅមើលផ្ទាល់អាចទស្សនាបានតាមរយៈផេក Post Sport ក៏បាន៕