ក្រុមតោខៀវ Chelsea កំពុងតែត្រៀមតម្លើងថ្លៃឈ្នួល​ពលកម្មឲ្យខ្សែបម្រើប្រយុទ្ធប៊ែលហ្ស៊ិក Eden Hazard ដើម្បីបញ្ចប់ការចាកចេញ របស់កីឡាកររូបនេះ ទៅកាន់ក្រុម Real Madrid នៅរដូវកាលក្រោយ។

បើតាមការចុះផ្សាយរបស់ Daily Mail បានឲ្យដឹងថា ក្រុមតោខៀវ Chelsea បានត្រៀមតម្លើងពលកម្មប្រចាំ​សប្តាហ៍ដល់ Hazard ដល់ទៅ ៣០ម៉ឺនផោន ក្នុងពេលឆាប់ៗនេះ។ ថ្វីត្បិតតែតម្លៃពលកម្ម ៣០ម៉ឺនផោន នេះមិនច្រើនជាងគេ នៅ Premier League មែន តែនៅ Chelsea កីឡាករប៊ែលហ្ស៊ិករូបនេះ មានតម្លៃពលកម្ម​ខ្ពស់ជាងគេក្នងក្លិប។

យ៉ាងណាវិញ Hazard បានក្លាយជាគោលដៅរបស់ក្រុម Real Madrid ក្នុងការ​នាំយកកីឡាកររូបនេះ ដែលតម្លៃខ្លួនវិញ មិនតិចជាង ២០០លានអឺរ៉ូឡើយ។ ក៍ប៉ុន្តែ ក្រុមតោខៀវ Chelsea ហាក់មិនចង់លក់ Hazard ឡើយ ព្រោះថា កីឡាកររូបនេះ៕ជាកម្លាំងប្រយុទ្ធដ៍សំខាន់របស់ក្លិប ទាំងការស៊ុតបញ្ចូលទី និងបោះបាល់ឲ្យមិត្តរួមក្រុមស៊ុត។

ដូច្នេះហើយ ដើម្បីអាចរារាំង Hazard មិនឲ្យចាកចេញក្រុម Chelsea បានត្រៀមតម្លើង​ប្រាក់ពលកម្ម រហូតដលទៅ ៣០ម៉ឺនផោន ក្នុងមួយសប្តាហ៍។