ការបន្តស្មើ ជាមួយក្រុមជម្រើសជាតិប៉េរ៉ូ នាព្រឹកនេះ គឺជាវិបត្តិមួយយ៉ាងធំ សម្រាប់ក្រុមជម្រើសជាតិ អាហ្សង់ទីន ដែលអាចប្រឈមនឹងការអវត្តមាន ក្នុងព្រឹត្តិការណ៍ FIFA World Cup នៅប្រទេសរុស្ស៊ី ឆ្នាំក្រោយនេះ។

នេះគឺជាការប្រកួតដ៍ខកចិត្តមួយសម្រាប់ អាហ្សង់ទីន ដោយមិនអាចរកបាន ៣ពិន្ទុ យ៉ាងសំខាន់ សម្រាប់បំពេញមហិច្ចតាយ៉ាងតក់ក្រហល់ ក្នុងការឡើងទៅកាន់វគ្គចែកពូល World Cup ។ អាហ្សង់ទីន នៅសល់១ប្រកួតទៀត ដែលពួកគេត្រូវធ្វើដំណើរទៅជួបក្រុម អេក្វារឌ័រ នៅថ្ងៃទី ១១ខាងមុខនេះ។ យ៉ាងណាវិញ សម្រាប់ការទៅកាន់ទឹកដីអេក្វាឌ័រ អាហ្សង់ទីនត្រូវការឈ្នះជាចាំបាច់ ព្រោះថា​ ការឈ្នះតែមួយមុខគត់ទើបអាចឲ្យអាហ្សង់ទីន អាចឡើងទៅកាន់វគ្គបន្តទៀតបាន បើ ស្មើវិញប្រហែលជាត្រូវអង្គុយមើលគេប្រកួតឆ្នាំក្រោយហើយ។ ក៍ប៉ុន្តែ វាមិនមែនជារឿងងាយស្រួលឡើយ ដែលអាហ្សង់ទីនអាចយកឈ្នះក្រុម អេក្វាឌ័រនោះ ព្រោះថាកាលពីជើងទី១ ក្នុងដីខ្លួនឯង អាហ្សង់ទីន បានប្រកួតចាញ់ ក្នុងលទ្ធផល ២-០។

ដូច្នេះ កាលវិលទៅកាន់ទឹកដីក្រុមអេក្វាឌ័រ គឺមិនងាយស្រួលឡើយសម្រាប់អាហ្សង់ទីន ដែលអាចក្លាយជាការបញ្ចប់ក្តីសង្ឃឹមរបស់អាហ្សង់ទីនផងដែរ។ ក៍ប៉ុន្តែ អាហ្សង់ទីនមិនបោះបង់ក្តីសង្ឃឹមឡើយ ក្រុមជើងខ្លាំងមួយនេះ និងប្រើប្រាស់កីឡាករល្អៗ របស់ក្រុមដើម្បីដាក់សម្ពាធយកជ័យជម្នះឲ្យបាន។ រង់ចាំមើលថា​តើអាហ្សង់ទីន អាចបន្តក្តីសុបិនឡើងទៅកាន់វគ្គចែកពូល World Cup ឬត្រូវបញ្ចប់ត្រឹមការប្រកួតជាមួយអេក្វាឌ័រនេះ?