ក្រុមកាំភ្លើងធំ Arsenal នាពេលនេះ កាន់តែពិបាកទៀតហើយ បន្ទាប់ពីការសម្រេចដើរចេញ​របស់កីឡាករឆ្នើមៗ​ ចំនួន២រូបរួមមាន Metzu Ozil និង​ Alexis Sanchez នៅពលនេះ Theo Welcott​ ម្នាក់ទើតហើយ ដែលអាចនឹងចាកចេញពីក្លិបម្នាក់ទៀត។

ខ្សែបម្រើប្រយុទ្ធស្លាប Theo Welcott កំពុងតែសម្រេចចិត្ត ដើរចេញពីក្លិប Arsenal នៅខែមករា​ខាងមុខនេះ បន្ទាប់ពីកុងត្រារបស់កីឡាកររូបនេះ នៅសល់មិនច្រើនទៀតឡើយជាមួយក្រុមកាំភ្លើងធំ។ បើតាមការចុះផ្សាយរបស់ Express News បានឲ្យដឹងថា Welcott បានត្រៀមរួចហើយ ក្នុងការវេចបង្វេចត្រឡប់ទៅ​ក្លិបចាស់របស់គេវិញ គឺ Southampton នៅខែមករាខាងមុខនេះ។ ថ្វីបើកុងត្រា មិនទាន់ចប់ក៍ដោយ តែក្រុម Southampton បានចាប់ផ្តើមទាក់ទងកីឡាករអង់គ្លេសរូបនេះឲ្យត្រឡប់​ទៅ​វិញហើយ ខណ: Welcott ក៍ពេញចិត្តក្នុងការត្រឡប់ទៅ​ផ្ទះចាស់របស់គេវិញផងដែរ។ គួរបញ្ជាក់ផងដែរថា Theo Welcott បានចាកចេញពីក្រុម Southampton ក្នុងឆ្នាំ ២០០៦​ កន្លងមកក្នុងអាយុក្មេងមែនទែន គឺត្រឹមតែ១៨ឆ្នាំ​ប៉ុណ្ណោះ ដែលមានន័យថា Welcott ជាកីឡាករវ័យក្មេង​ដំបូងគេមួយរូប ដែលអាចមានវត្តមាន នៅក្របខ័ណ្ឌកំពូល Premier League ។

ដូច្នេះហើយ នៅខែមករាខាងមុខនេះ ក្រុម​ Southampton បានសម្រេចចិត្ត នាំយកខ្សែបម្រើប្រយុទ្ធ Theo Welcott ត្រឡប់ទៅវិញ ស្របពេលដែលកីឡាកររូបនេះ បើកភ្លើង​ខៀវ ផងដែរ។ Welcott បានបដិសេធ មិនទៅចូលរួមជា​មួយក្រុម Inter Milan នៅអ៊ីតាលី​ កាលពីរដូវក្តៅកន្លងមក ក៍ប៉ុន្តែសម្រាប់ខែមករាខាងមុខនេះ Welcott ច្បាស់ជាមកចូលរួមជាមួយក្រុម Southampton វិញជាក់​ជាមិនខាន។