ព័ត៌មានកីឡា

ឡៅ ចន្ទ្រា បានត្រឹមឈ្នះពិន្ទុ ខណៈប្អូនប្រុសប្រើរយៈពេលតែមួយទឹកប៉ុន្នោះផ្តួលថៃ

កាលពីថ្ងៃសុក្រ ទី០៦ ខែតុលា ឆ្នាំ២០១៧ ម្សិលមិញនេះ កីឡាករប្រដាល់គុនខ្មែរដែលមានត្រកូល ឡៅ ទាំងពីរនាក់បងប្អូន បានប្រកួតជាមួយកីឡាករជើងខ្លាំងមកពីប្រទេសថៃដូចគ្នា នៅក្នុងកម្មវិធីជើងឯកលេខ១គូប៊ូតា នាសង្វៀនបាយ័នស្ទឹងមានជ័យ។

ឡៅ ចន្ទ្រា បានយកឈ្នះ ណាវី ជេផាវើយរូផ ដោយពិន្ទុ ដែលកីឡាកររូបនេះ ជាជើងខ្លាំងមួយរូប ធ្លាប់យកឈ្នះ មឿន សុខហ៊ុច (ពិន្ទុ ) ទៀតផង ។ ប៉ុន្តែប្អូនប្រុសរបស់គេដែលជាម្ចាស់ មេដាយសំរិទ្ធ នៅស៊ីហ្គេម ឡៅ ចិន្ត្រា បានផ្តួលគូប្រកួតត្រឹមទឹកទី១ ប៉ុន្នោះ បន្ទាប់កីឡាករមកពីក្លិបកងពលតូចពិសេសឆ័ត្រយោង ៩១១ នេះបានប្រើជើងឆ្វេងទាត់ចំភ្លៅកីឡាកររបស់ថៃ ឆ័យឆ្នះ ប៉ាក់ថុងឆ័យ ចុកយ៉ាងខ្លាំងមិនអាចក្រោកប្រកួតទៀតបាន នឹងធ្វើឲ្យកីឡាករថៃរូបនេះ មានរបួសយ៉ាងធ្ងន់ធ្ងរ ដោយទាល់តែមានអ្នកមកលើកទៅខាងក្នុងវិញ ព្រោះមិនអាចដើរបាន។

សូមបញ្ជាក់ផងដែរថា ក្រៅពីគូអន្តរជាតិនេះក៏មានគូជាតិនឹងជាតិដោយ ផល ភក្តី បរាជ័យក្រោមថ្វីដៃ រិទ្ធ សាវីដ ដោយពិន្ទុ ខណ:ដែល វុត្ថា សុខហ្វីន បានផ្តួល ចាន់ គីមលន់ នៅទឹកទី៥ នឹង ឯម ខ្លឹមសរ ធ្វើការសងសឹកលើ កេត ចាន់ឌី បានសម្រេច ដោយយកឈ្នះពិន្ទុវិញ ព្រោះកាលលើកមុនរូបគេបានចាញ់ដោយពិន្ទុដូចគ្នា៕

វុត្ថា សុខហ្វីនឯម ខ្លឹមសរ vs កេត ចាន់ឌី(ក្រហម) ឡៅ ចន្ទ្រា(ក្រហម) vs ណាវី ជេផាវើយរូផ ឡៅ ចិន្ត្រា(ក្រហម) vs ឆ័យឆ្នះ ប៉ាក់ថុងឆ័យ

មតិយោបល់