កីឡាករខ្សែប្រយុទ្ធវ័យ ៥០ ឆ្នាំ សញ្ជាតិជប៉ុន Kazuyoshi Miura បានទទូចថាគាត់គ្មានគម្រោងនឹងចូលនិវត្តន៍ក្នុងពេលឆាប់ៗនេះទេ។

Miura បាននិយាយប្រាប់កាសែត The Japan Times នៅមុនពេលការប្រកួត Yokohama FC ជាមួយ Avispa Fukuoka ក្នុងក្របខ័ណ្ឌ J-League 2 កាលពីថ្ងៃសៅរ៍ថា៖ «ខ្ញុំគ្រោងនឹងលេងនៅឆ្នាំក្រោយទៀត។ ឥឡូវនេះខ្ញុំមិនគិតពីការចូលនិវត្តន៍ទេ។ ខ្ញុំគ្រាន់តែគិតការប្រឹងប្រែងហ្វឹកហាត់ទាំងអស់ជារៀងរាល់ថ្ងៃ»។

កីឡាករជប៉ុនរូបនេះ មានរហស្សនាមថា Kazu នឹងបានបំបែកឯតទគ្គកម្មពិភពលោកចំនួនពីរកាលពីដើមឆ្នាំនេះ នៅពេលដែលគាត់បានក្លាយទៅជាកីឡាករចាស់ជាងគេដែលមិនធ្លាប់មាននៅក្នុងការប្រកួតអាជីព នៅពេលនេះកំពុងមានអាយុ ៥០ ឆ្នាំនិង ៧ ថ្ងៃ។

មួយសប្តាហ៍ក្រោយមក គាត់បានយកឈ្នះកំណត់ត្រា កីឡាករចាស់បំផុតដែលរកគ្រាប់បាល់បាន នឹងបានគ្រងតំណែងលើសកីឡាករអង់គ្លេស Sir Stanley Matthews ដែលលេងដល់អាយុ ៥០ ឆ្នាំដែរ៕

បច្ចុប្បន្នកំពុងលេងនៅ Yokohama FC