Post News Media ព័ត៌មានកីឡា Zlatan ​ជា​ខ្...

Zlatan ​ជា​ខ្សែ​ប្រយុទ្ធ​ល្អ​បំផុត​របស់ Man Utd ​តែ​អនាគត​ទៅ​គឺ​ជា​របស់ Rashford

នា​រដូវកាល​នេះ Zlatan Ibrahimovic ​ជា​ខ្សែ​ប្រយុទ្ធ​សំខាន់​បំផុត​សម្រាប់​ក្រុម Manchester United ​ប៉ុន្តែ​ទៅ​ថ្ងៃ​មុខ​ទៅ ​ក្រុម​បិសាច​ក្រហម​មួយ​នេះ​នឹង​មាន​កីឡាករ​ល្អ​ម្នាក់​ទៀត​គឺ Marcus Rashford។

និយាយ​ត្រឹម​រដូវ​កាល​នេះ វត្តមាន​របស់ Zlatan ​បាន​ជួយ​ក្រុម​បិសាច​ក្រហម​ច្រើន​មែនទែន ​ទាំង​លេង​នៅ​លីគ​អង់គ្លេស​និង​ពាន​រង្វាន់​ក្នុង​តំបន់​ផង​ដែរ។ ដូច្នេះ​ហើយ​ទើប​បាន​ជា​អ្នក​គាំទ្រ​ជា​ច្រើន​មើល​ឃើញ​ថា​ខ្សែ​ប្រយុទ្ធ​រូប​នេះ​ជា​តួ​អង្គ​សំខាន់​ក្នុង​ទម្រង់​លេង​របស់​លោក Jose Mourinho ។

យ៉ាងណាមិញ ​បើ​សំឡឹង​ទៅ​មើល​អនាគត​វិញ ​Man Utd ​នៅ​មាន​តួ​អង្គ​សំខាន់​មួយ​ទៀត​ដែល​កំពុង​តែ​រះ​បន្តិច​ម្ដង​ៗ ​គឺ​ Marcus Rashford ។ ​កីឡាករ​វ័យ​១៩​ឆ្នាំ​រូប​នេះ ​មាន​ទម្រង់​លេង​ល្អ​ខ្លាំង​ណាស់ ​មាន​ឆន្ទ: ​និង​ភាព​ស្វាហាប់​របស់​គេ​ក្នុង​ការ​ចង់​ស្វែង​រក​គ្រាប់​បាល់​ឱ្យ​ក្រុម។ មាន​វ័យ​ត្រឹម​តែ​ប៉ុណ្ណឹង ​រូបគេ​បាន​ចូល​លេង​ក្នុង​ក្រុម​របស់​លោក Jose ​បាន​ជា​រើយ​ៗ​ទៅ​ហើយ ខណ:​ដែល​ពេល​ខ្លះ​ក៏​ទទួល​បាន​ការ​សរសើរ​ផង​ដែរ។

នេះ​ជា​សញ្ញា​បញ្ជាក់​បាន​ថា​នៅ​ពេល​ត្រឹម​តែ​២​ទៅ​៣​ឆ្នាំ​ទៀត​ប៉ុណ្ណោះ ​បទ​ពិសោធន៍​របស់​ Rashford ​នឹង​មាន​គ្រប់គ្រាន់​ហើយ​តំណែង​ជម្រើស​១១​នាក់​ដំបូង​វិញ ក៏​ប្រហែល​ជា​រូបគេ​អ្នក​កាន់​កាប់​ហើយ​។ ត្បិត​អី​បច្ចុប្បន្ន ​ក្នុង​ក្រុម​មិន​អាច​ខ្វះ​រូបគេ​បាន​នោះ​ទេ ក្នុង​ការ​ផ្លាស់​ប្ដូរ​ចូល​លេង​នៅ​ពេល​ណា​ដែល Zlatan ​ឬ​អ្នក​ដទៃ​ក្នុង​​តំបន់​ប្រយុទ្ធ​មាន​របួស។

Rashford ​ជា​តារា​សំណាង​របស់​ក្រុម Man Utd ​ដោយ​ឱ្យ​តែ​ចូល​លេង​លើក​ដំបូង​ក្នុង​ពាន​ណា តែងតែ​រក​គ្រាប់​បាល់​បាន​ជា​និច្ច ​ហើយ​ក៏​ធ្លាប់​ជួយ​បិសាច​ក្រហម​រក​បាន​ពិន្ទុ​មិន​តិច​នោះ​ដែរ​ក្នុង​ពាន​រង្វាន់​ផ្សេង​ៗ​តាំង​ពី​លោក Van Gaal ​នៅ​ដឹក​នាំ​ម្ល៉េះ៕