ក្រុមតោខៀវ Chelsea បានបន្តមកចាញ់ការប្រកួត ២លើកចុងក្រោយនៅ Premier League ទៀតហើយ បន្ទាប់ពីលេងចាញ់ក្រុមម្ចាស់ផ្ទះ Crystal Palace ក្នុងលទ្ធផល ២-១ ។

យ៉ាងណាវិញ ការប្រកួតចាញ់ក្នុងសប្តាហ៍ថ្មីនេះ របស់ក្រុមតោខៀវ Chelsea គឺជាការប្រកួតដ៍ចុកឈាមមួយ សម្រាប់ក្រុមការពរតំណែងជើងឯកមួយនេះ ព្រោះថា មិនត្រឹមរបូត ៣ពិន្ទុឡើយ Chelsea គឺជាក្រុមមួយ ដែលធ្វើឲ្យ Crystal Palace បង្កើតកំណត់ត្រាថ្មី ២ក្នុងរដូវកាលនេះផងដែរ។ ជាក់ស្តែងណាស់ កំណត់ត្រាទី១ ដែល Crystal Palace អាចធ្វើបានក្នុង​ការប្រកួតនេះគឺ​ ក្រុមបាតតារាងមួយនេះ បានយកឈ្នះលើកដំបូងនៅ​ Premier League ដោយ ៧ប្រកួតកន្លងមក Crystal ស្គាល់តែការបរាជ័យ មិនទាន់ស្គាល់ជ័យជម្នះឡើយ ដែលការយកឈ្នះក្រុមតោ​ខៀវ Chelsea នេះ គឺជាជ័យជម្នះដំបូង សម្រាប់ពួកគេ។ ជាងនេះទៅទៀត Crystal Palace បានបង្កើតកំណត់ត្រាទី២ ដោយអាចស៊ុតបញ្ចូលទី​លើគូប្រកួតដំបូង ក្នុងការប្រកួតទី៨នេះ ដែលមានន័យថា ៧ប្រកួតកន្លងមក ក្រុមមួយនេះ មិនទាន់ស៊ុតចូលទីគូប្រកួតឡើយ ខណៈ Chelsea គឺជាក្រុមដំបូងបំផុត ក្នុងរដូវកាលនេះ ដែល Crystal Palace អាចធ្វើបាន។

ដូច្នេះហើយ Crystal Palace បានស្គាល់រសជាតិ ៣ពិន្ទុហើយ នៅ Premier League ដែល ៣ពិន្ទុនេះដែរ ពួកគេរកបានពីក្រុមជើងខ្លាំង តោខៀវ Chelsea មិនមែនជាក្រុមបាតតារាង ឬពាក់កណ្តាលតារាងឡើយ។

https://www.youtube.com/watch?v=LzqJg2YeSYM&t=447s