ក្លឹប Real Madrid ទំនងជាអាចលក់ James Rodriguez ឱ្យក្លឹប Chelsea ដើម្បីជាការដោះដូរយកអ្នកចាំទី Thibaut Courtois មកវិញ នៅរដូវក្ដៅខាងមុខនេះ។
លោក Jorge Mendes ភ្នាក់ងាររបស់ James បានបញ្ជាក់យ៉ាងច្បាស់ថាកីឡាកររូបនេះនឹងនៅជាមួយក្រុម Real Madrid រហូតដល់ចប់រដូវកាលនេះ បើទោះជាមានក្លឹបជាច្រើនចង់បានយ៉ាងណាក៏ដោយ។ ទន្ទឹមគ្នានេះដែរ ខ្សែបម្រើសញ្ជាតិកូឡុំប៊ីរូបនេះ អាចនឹងចាកចេញពីអេស្ប៉ាញទៅលេងនៅក្លឹបក្នុងប្រទេសអង់គ្លេសបាន ជាពិសេសក្រុម Chelsea តែម្ដង ប្រសិនបើមានការដោះដូររវាងក្លឹបទាំងពីរកើតឡើងមែន។
ការដោះដូរមួយនោះ គឺក្លឹបអធិរាជសរបស់អេស្ប៉ាញ ចង់បានអ្នកចាំទីដៃទីមួយរបស់ក្រុម Chelsea តែម្ដងនៅរដូវក្ដៅខាងមុខ ពោលគឺបន្ទាប់ពីពួកគេផុតបម្រាមរបស់ FIFA រឿងដោះដូរកីឡាករ។ ខណ:ដែល Chelsea វិញ ក៏នឹងបាន James ទៅវិញដូចគ្នា អំឡុងពេលនោះ។
James ជាអ្នកនិយាយខ្លួនឯងតែម្ដងក្រោយព្រឹត្តិការណ៍ FIFA Club World Cup ដោយរូបគេនឹងពិចារណាចាកចេញពី Real ដោយសារមិនបានចូលលេងជាញឹកញាប់ ខណ:ដែលអ្នកចាំទី Courtois វិញ ក៏មានបំណងទៅលេងនៅអេស្ប៉ាញដែរ៕
មតិយោបល់