ក្លិបរបស់ចិន Jiangsu Suning បានបញ្ជាក់ថាគ្រូបង្វឹកលោក Fabio Capello នឹងនៅតែមានវត្តមាននៅទីនេះ ខណៈពេលមានសេចក្តីរាយការណ៍ថានឹងទៅជំនួសតណែងគ្រូបង្វឹកក្រុមជម្រើសជាតិអ៊ីតាលីលោក Gian Piero Ventura ។

ប្រធានក្លិបបានប្រាប់សារព័ត៌មាន Soccer News ថា៖ “លោក Capello បានប្តេជ្ញាចិត្តយ៉ាងមុតមាំចំពោះការប្រកួតជម្រុះនៃក្រុមរបស់យើង ហើយគាត់មិនដែលបានប្រកាសពីចេតនាចាកចេញទេ” ។ “គាត់មានកិច្ចសន្យាមួយឆ្នាំកន្លះជាមួយក្លិប ហើយគ្មាននរណាម្នាក់ពិភាក្សាអំពីការបញ្ចប់កិច្ចសន្យារបស់គាត់នោះទេ” ។

គ្រូបង្វឹកវ័យ ៧១ ឆ្នាំរូបនេះ បានក្លាយជាអ្នកដឹកនាំថ្មីរបស់ក្លិប Jiangsu Suning តាំងពីខែមិថុនា មកម្លេះ បន្ទាប់ពីបុរសសញ្ជាតិអ៊ីតាលី Marcello Lippi និង Fabio Cannavaro ទៅគ្រប់គ្រងក្រុមជម្រើសជាតិចិន៕

ប្រវត្តដឹកនាំក្លិបធំៗក៏ដូចជាជម្រើសជាតិ៖
-១៩៩១ ដល់ ១៩៩៦ ដឹកនាំក្រុម A.C Milan
-១៩៩៦ ដល់ ១៩៩៧ ដឹកនាំក្រុម Real Madrid
-១៩៩៧ ដល់ ១៩៩៨ ដឹកនាំក្រុម A.C. Milan
-១៩៩៩ ដល់ ២០០៤ ដឹកនាំក្រុម A.S. Roma
-២០០៤ ដល់ ២០០៦ ដឹកនាំក្រុម Juventus
-២០០៦ ដល់ ២០០៧ ដឹកនាំក្រុម Real Madrid
-២០០៨ ដល់ ២០១២ ដឹកនាំជម្រើសជាតិ England
-២០១២ ដល់ ២០១៥ ដឹកនាំជម្រើសជាតិ Russia
-ខែមិថុនា ២០១៧ ដឹកនាំក្រុម Jiangsu Suning មកទល់បច្ចុប្បន្ន