ក្រុមបាល់ទាត់ Manchester City បានបន្តរក ៣ពិន្ទុ ក្នុងការប្រកួតលើកទី៣ នៅ Champion League ក្រោយពីយកឈ្នះក្រុមជើងខ្លាំង អ៊ីតាលី Napoli ក្នុងលទ្ធផល ២-១ ។

ក្នុងនោះដែរ អ្នកចាំទីប្រេស៊ីល Ederson Moraes របស់ក្រុម Manchester City ធ្វើបានយ៉ាងល្អ ដោយរក្សាសំណាញ់ទីបាន ១គ្រាប់ ក្នុងចំណោមការស៊ុតបាល់ ១១ម៉ែត្រ​​ ២លើករបស់ក្រុម Napoli ។ ជាក់ស្តែងណាស់ ការប្រកួតទើបតែចាប់ផ្តើមបាន ៨នាទីប៉ុណ្ណោះ ខ្សែប្រយុទ្ធ Raheem Sterling បានស៊ុត ១គ្រាប់ឲ្យក្រុម Man City នាំមុខមុន ខណៈ​ ប៉ុន្មាននាទីបន្ទាប់ ពោលនៅនាទីទី ១៣​ Gabriel Jesus បានបន្ថែម ១គ្រាប់ទៀត នាំុខ ២-០ លើក្រុម Napoli ។ ក៍ប៉ុន្តែ នៅនាទីទី៣៨ កីឡាករ Dries Metens របស់ Napoli មានឱកាសទាត់បាល់ពិន័យ ១១ម៉ែត្រ តែធ្វើមិនបានសម្រេចឡើយ ដោយត្រូវបានអ្នកចាំទី Ederson អាចសង្គ្រោះបាល់នេះបាន។ យ៉ាងណាវិញ នៅនាទីទី៧៣ ក្រុម Napoli មានឱកាសស៊ុតបាល់ ១១ម៉ែត្រម្តងទៀត ដែលលើកនេះ កីឡាករ Amadou Dirwara បានស៊ុតបញ្ចូលទីបានសម្រេច ខណៈ Ederson ចេញត្រូវ​ដែរ តែចាប់មិនបាន។

ដូច្នេះហើយ បញ្ចប់ការប្រកួតក្រុម Manchester City បានយកឈ្នះលើក្រុម Napoli ក្នុងលទ្ធផល ២-១ បន្តឈរលើកំពូលតារាងដដែល ស្របពេលដែល អ្នកចាំទីប្រេស៊ីល Ederson Moraes ជាអ្នករក្សាសំណាញ់ទីបានយ៉ាងល្អ ដែលធ្វើឲ្យក្រុម Manchester City ទទួលបាន ៣ពិន្ទុ ក្នុងការប្រកួតដ៍សំខាន់មួយនេះ។

https://www.youtube.com/watch?v=WRF-EIhwRBY