ការភ្លាត់ស្នៀត ប៉ុន្មានប្រកួតកន្លងមកនេះ បានធ្វើឲ្យក្រុម Monaco រងនូវការរបូតពាន League1 នៅរដូវកាលនេះ ក្រោយពី Paris Saint Germain នាំមុខ ពិន្ទុ ៣ខណៈនៅសល់ ១ប្រកួតយប់នេះ ក្នុងដៃ។

បើទោះបីជា ភ្លាត់ស្នៀត ប៉ុន្មានប្រកួតចុងក្រោយនេះមែន តែក្រុម Monaco កំពុងតែចាប់ផ្តើមធ្វើបានយ៉ាងល្អវិញហើយ។ ជាក់ស្តែងណាស់ យប់មិញនេះ Monaco បានយកឈ្នះក្រុម Caen ក្នុងលទ្ធផល ២-០ ដោយបន្ថយ​នូវគម្លាតនាំមុខ មួយចំនួនរបស់ក្រុម Paris Saint Germain។ ២គ្រាប់របស់ Monaco រកបានដោយ កីឡាករ Balde Keita នៅនាទីទី ២១ និងការស៊ុតបាល់ ១១ម៉ែត្ររបស់ខ្សែប្រយុទ្ធឆ្នើម Rademel Falcao នៅនាទីទី៥៩។ តាមរយៈការឈ្នះ ការប្រកួតនេះ បានធ្វើឲ្យ Monaca កើនបាន ២២ពិន្ទុ ដោយក្រុមកំពូលតារាង Paris Saint Germain មាន​២៥ពិន្ទុ តែសល់១ប្រកួតទៀត ក្នុងដៃ។

យ៉ាងណាវិញ Monaco ត្រូវប្រឹងប្រែងបន្តទៀត ដើម្បីមហិច្ចតាការពារតំណែងជើងឯក របស់ពួកគេ នៅរដូវកាលនេះបន្តទៀត។ ក៍ប៉ុន្តែ ប្រហែលជាវាមិនងាយស្រួលឡើយ សម្រាប់ Monaco ព្រោះថា ក្រុម Paris Saint Germain កំពុងតែលេងឡើងជើងយ៉ាងខ្លាំង ជាហេតុធ្វើឲ្យ Monaco ត្រូវរង់ចាំ ដរាបណា Paris Saint Germain ភ្លាត់ស្នៀតខ្លះ។

ដូច្នេះហើយ Monaco អាចនឹងរបូតពាន ច្រើនជាងឈ្នះពាន ព្រោះថា Paris Saint Germain មិនងាយនឹងរបូតពិន្ទុឡើយ ខណៈកីឡាករជួរមុខរបស់ក្រុមមួយនេះ សុទ្ធសឹង តែពោរពេញទៅដោយសមត្ថភាព និងថាមពលប្រយុទ្ធដែលទាមទារឲ្យ Monaco ត្រូវប្រឹងប្រែងឲ្យអស់សមត្ថភាព បើចង់ឈ្នះពាននេះ។