ថ្វីបើមានពាកចរចាមអារាមជាច្រើនទាក់ទងនឹងការលក់​ខ្សែប្រយុទ្ធវែល Gareth Bale ចេញពី Real Madrid ក៍ដោយ ក៍ប៉ុន្តែ សម្រាប់កីឡាកររូបនេះ បែរជាមិនចង់ចាកចេញពីក្លិបយក្សអេស្ប៉ាញមួយនេះ​ឡើយ។

ជាក់ស្តែងណាស់ បើតាមការចុះផ្សាយរបស់ Mundo Deportivo បានឲ្យដឹងថា Gareth Bale កំពុងតែព្យាយាមបន្តអនាគត់ នៅ Bernabeu ដោយមិន​ចងចាកចេញមកាន់ Premier League ឡើយ។ បើតាមភ្នាក់ងាររបស់កីឡាកររូបនេះ បានឲ្យដឹងថា Bale ចង់លេងឲ្យ Real Madrid ខ្លាំងណាស់ មិនថាក្លិបចង់ទិញកីឡាករថ្មីបន្ថែម ឬយ៉ាងណាឡើង ខ្សែប្រយុទ្ធល្បឿនលឿនរូបនេះ មិនចង់ចាកចេញឡើយ។ បើទោះបីជាក្រុមបីសាចក្រហម Manchester United និងក្រុមនៅអង់គ្លេសជាច្រើនចាប់អារម្មណ៍ចង់បាន Bale ក៍ដោយ តែសម្រាប់ Bale វិញនៅតែចង់ក្លាយជាកីឡាករ​មួយរូបរបស់ក្រុម Real Madrid ដដែល។

ដូច្នេះហើយ បើតាមភ្នាក់ងាររបស់កីឡាករវែលរូបនេះ Gareth Bale នឹងមិនចាកចេញពី Real Madrid នៅរដូវក្តៅនេះឡើយ បើទោះបីជា Neymar, Harry Kane, Eden Hazard ស្ថិតនៅក្នុងបញ្ជីនាំចូលរបស់ក្រុម Real Madrid ក៍ដោយ។