ការប្រកួតពានរង្វាន់លីគកំពូលកម្ពុជារដូវកាល ២០១៧ សប្តាហ៍ទី២១ ដោយក្រុមបាល់ទាត់ ក្រសួងការពារជាតិ(ទ័ព)​ ត្រូវទទួលស្វាគមន៍ អាសុីអឺរ៉ុប យូណាយធីត នាវេលាម៉ោង ៦ៈ៣០ នាទីល្ងាច នៅលើវាល់ស្មៅធម្មជាតិនៃកីឡដ្ឋានស្ដាតចាស់។ខណៈដែលប្រវត្តជួបគ្នាកន្លងមក ទ័ព មិនធ្លាប់ចាញ់ អាសុីអឺរ៉ុប ចុះល្ងាចនេះ?

គិតត្រឹម ២០ប្រកួត កន្លងមក ទ័ព កំពុងតែស្ថិតនៅក្នុងចំណាត់ថ្នាក់លេខ ៤ ដោយឈ្នះ ១២ដង ស្មើរ ៣ដង និងចាញ់ ៥ដង កំពុងមាន ៣៩ ពិន្ទុក្នុងដៃ។ ស្របពេលដែល អាសុីអឺរ៉ុប យូណាយធីត កំពុងតែស្ថិតនៅចំណាត់ថ្នាក់លេខ ៩ ដោយ ២០ប្រកួត ក្នុងនោះឈ្នះ ៥ដង ស្មើ ៣ដង និងចាញ់ ១២ដង ដោយកំពុងមាន ១៨ ពិន្ទុនៅក្នុងដៃ រួចផុតពីតំបន់កាន់ទៅលីគទី២ហើយទោះចាញ់ទំាង ២ប្រកួតចុងក្រោយក៏ដោយ។

ប្រវត្តជួបគ្នា ៥លើក ចុងក្រោយក្នុងលីគ៖
ថ្ងៃទី០២ ខែសីហា ២០១៥ អាសុីអឺរ៉ុប យូណាយធីត ២-៤ ក្រសួងការពារជាតិ
ថ្ងៃទី១៧ ខែតុលា ២០១៥ ក្រសួងការពារជាតិ ៤-២ អាសុីអឺរ៉ុប យូណាយធីត
ថ្ងៃទី០៧ ខែឧសភា ២០១៦ ក្រសួងការពារជាតិ ២-១ អាសុីអឺរ៉ុប យូណាយធីត
ថ្ងៃទី០៩ ខែកញ្ញា ២០១៦ អាសុីអឺរ៉ុប យូណាយធីត ១-៤ ក្រសួងការពារជាតិ
ថ្ងៃទី០៣ ខែមីនា ២០១៧ អាសុីអឺរ៉ុប យូណាយធីត ១-៤ ក្រសួងការពារជាតិ