អាល្លឺម៉ង់ៈ ក្លឹប Bayern Munich នឹងមិនស្តាប់ ឬទទួលសំណើណាមួយ ដែលក្លឹបដទៃ ចង់បានខ្សែប្រយុទ្ធ Robert Lewandowski នៅរដូវកាលនេះ។

បើយោងតាម skysports ចុះផ្សាយនៅល្ងាចថ្ងៃទី៥ ខែមិថុនា កីឡាករសញ្ជាតិប៉ូឡូញ មានទំនាក់ទំនងយ៉ាងខ្លាំង ផ្លាស់ទៅកាន់ក្លឹប Real Madrid ឬក៏ក្របខណ្ឌ Premier League បន្ទាប់ពីរកគ្រាប់បាល់បាន៣០គ្រាប់ ជូនម្ចាស់ពានរង្វាន់ Bayern Munich នៅរដូវកាល២០១៥-២០១៦។

Robert Lewandowski គឺជាតារាបាល់ទាត់មួយដួង ដែលមានក្លឹបជាច្រើន កំពុងសម្លឹងនៅក្នុងព្រឹត្តិការណ៍ យូរ៉ូ ២០១៦ ប៉ុន្តែ Michael Reschke អ្នកយុទ្ធសាស្ត្រទីលានជាន់ខ្ពស់របស់ Bayern បាននិយាយថា ពួកគេមិនខ្ជះខ្ជាយពេលវេលាណាមួយសម្រាប់កីឡាករ អាយុ២៧ឆ្នាំរូបនេះឡើយ។ Michael Reschke បានបន្តថា គាត់(Robert Lewandowski) នៅតែបន្តលេងជាមួយនឹង Bayern Munich ដោយគ្មានការសង្ស័យឡើយ៕