ក្រុមជើងខ្លាំង Real Madrid មិនអាចបំបាក់ក្រុម តូចមួយនៅអេស្ប៉ាញ Fuenlabrada បានច្រើនគ្រាប់ឡើយ ដោយអាចស៊ុតបានត្រឹម ២គ្រាប់ ដែលសុទ្ធសឹងជាគ្រាប់បាល់កើតចេញពី ការទាត់បាល់១១ម៉ែត្រ ព្រមទាំងទទួលបានកាតក្រហម ម្នាក់១ផងដែរ។
Real Madrid ថ្វីបើជាក្រុមកំពូល នៅអេស្ប៉ាញមែន តែសម្រាប់ការលេងនៅពានរង្វាន់ Copa Del Rey វិញ ដូចជាមិនសូវជាខ្លាំងដូចក្រុមក្នុង លីគកំពូលមួយចំនួនទៀតឡើយ។ ជាក់ស្តែងណាស់ ក្នុងជំនួបជាមួយក្រុម Fuenlabrada យប់មិញនេះ Real Madrid អាចស៊ុតបានត្រឹម ២គ្រាប់ប៉ុណ្ណោះ ព្រមទាំងទទួលបានកាតក្រហម ម្នាក់១ផងដែរ។ ក្នុងតង់ទី១ Real Madrid មិនអាចធ្វើអ្វីបានឡើយ លើក្រុម Fuenlabrada បើទោះបីជាមានឱកាសច្រើនក៍ដោយ។ ក៍ប៉ុន្តែ ឈានដល់តង់ទី២ Real Madrid បានបង្កើតឱកាសល្អៗជាច្រើនទៀត ដោយអាចស៊ុតបាន ២គ្រាប់ដោយបាល់ ១១ម៉ែត្ររបស់ Marco Asensio នៅនាទីទី៦៣ និងការទាត់បាល់ ១១ម៉ែត្រម្តងទៀតនៅនាទីទី ៨០ដោយកីឡាករ Lucas Vazquez ។
ក្នុងនោះដែរ ក្រុម Fuenlabrada ទទួលបានកាតក្រហមមួយ នៅនាទីទី ៨០ក្រោយពីទាត់បាល ១១ហើយ គឺកីឡាករ Candela។ ចំណែកក្រុម Real Madrid វិញ ក៍ទទួលបានកាតក្រហម មួយដែរនៅនាទីទី៨៩ ដោយកីឡាករ Vallejo ។ ដូច្នេះហើយ Real Madrid ថ្វីដ្បិតជាក្រុមខ្លាំង នៅអេស្ប៉ាញមែន តែមិនអាចធ្វើស៊ីក្រុម Fuenlabrada ដែលជាក្រុមតូចមួយបានឡើយ ដោយបានត្រឹចមធ្វើស៊ី ដោយបាល់ ១១ម៉ែត្រប៉ុណ្ណោះ។
https://www.youtube.com/watch?v=waxK_UsYSaU
មតិយោបល់