Post News Media ព័ត៌មានកីឡា បញ្ជីឈ្មោះកីឡ...

បញ្ជីឈ្មោះកីឡាករកម្ពុជា ២៥រូប ត្រៀមប្រកួតជាមួយ មីយ៉ាន់ម៉ា មិនមាន ឃួន ឡាបូរ៉ាវី នោះទេ

សហព័ន្ធបាល់ទាត់កម្ពុជា បានប្រកាសបញ្ជីឈ្មោះកីឡាករជម្រើសជាតិកម្ពុជាចំនួន ២៥រូប ត្រៀមប្រកួតមិត្តភាពអន្តរជាតិជាមួយនឹង ក្រុមជម្រើសជាតិមីយ៉ាន់ម៉ា នៅថ្ងៃទី ០៩ ខែវិច្ចិកា ខាងមុខនេះ គ្មានវត្តមានខ្សែប្រយុទ្ធ ឃួន ឡាបូរ៉ាវី នោះទេ។

ក្រោមការដឹកនាំរបស់គ្រូបង្វឹកថ្មីលោក ប្រាក់ សុវណ្ណារ៉ា មិនត្រឹមតែគ្មាននៅក្នុងជំនួបមិត្តភាពនេះទេ តែនៅក្នុងការប្រកួតផ្លូវការណ៍នៃពានរង្វាន់ AFC Asian Cup 2019 ជាមួយនឹងក្រុមជម្រើសជាតិ ហ្សកដានី នៅថ្ងៃទី១៤ ខែវិច្ចិកា នាពហុកីឡដ្ឋានជាតិ រាជធានីភ្នំពេញ ក៏មិនមានឈ្មោះខ្សែប្រយុទ្ធជើងចាស់រូបនេះដែរ។ ប៉ុន្តែកីឡាករមួយចំនួនដែលបានបាត់មុខជាយូមកហើយបែរជាមានទៅវិញដូចជា សុខ សុវណ្ណ, សារ៉េត គ្រីយ៉ា នឹង គួច សុកុម្ភះ ជាដើម។

យើងសង្កេតឃើញថា កីឡាកររបស់បឹងកេតរូបនេះ តែងតែមានវត្តមានជានិច្ចនៅប៉ុន្មានឆ្នាំចុងក្រោយនេះ ហើយក៏ជាប់ជាជម្រើស ១១នាក់ ដំបូងរហូតផងដែរ។ តែគ្រូបង្វឹកថ្មីនេះ អាចមានយុទ្ធសាស្រ្ត ដើម្បីជួយស្តារមុខម៉ាត់ក្រុមជម្រើសជាតិកម្ពុជា​ ដែលកំពុងតែធ្លាក់ទម្រង់យ៉ាងខ្លាំងនេះមកវិញ ក៏ថាបាន៕

Loading...