ក្រោយពីមានការផ្លាស់ប្តូរគ្រូបង្វឹក កាលពីពេលថ្មីកន្លងមក​ក្រុម Bayern Munich មានការប្រែប្រួលខ្លាំងមែនទែន ដោយមិនទាន់ស្គាល់បរាជ័យឡើយ នៅប៉ុន្មានប្រកួតចុងក្រោយនេះ។

ជាក់ស្តែងណាស់ Bayern Munich បានទៅដណ្តើមយក ៣ពិន្ទុពីក្រុមជើងខ្លាំង Dortmund ទៀត ដោយយកឈ្នះ​ក្នុងលទ្ធផល ៣-១ ។ ៣គ្រាប់របស់ក្រុមភ្ញៀវ Baryern Munich រកបានដោយខ្សែប្រយុទ្ធស្លាបវ័យរាងជ្រេ Arjen Rubben នៅនាទីទី១៧, ខ្សែប្រយុទ្ធមុតស្រួច Robert Lewandowski នៅនាទីទី៣៧ និង David Alba នៅនា​ទីទី៦៧ ចំណែក១គ្រាប់វាយបកវិញ របស់ក្រុមម្ចាស់ផ្ទះ Dortmund រកបានដោយខ្សែការពារស្លាប Marc Bartra នៅនាទីទី៨៨។ យ៉ាងណាវិញ សម្រាប់ក្រុម Bayern Munich ក្រោយពីប្តូរគ្រូបង្វឹកថ្មីរួចមក ដូចជាកាក់កបជាងមុនណាស់ ដោយក្រុមមួយនេះ បានរំកិលទៅឈរកំពូលតារាងឡើងវិញ បន្ទាប់ពីក្រុម Dortmund កាន់តាំងពីដើមរដូវកាលកន្លងមក។

ដូច្នេះហើយ ការបំបាក់ក្រុមខ្លាំង Dortmund ដល់ក្នុងដីបែប​នេះ បង្ហាញឲ្យឃើញថា នៅអាឡឺម៉ង់ មិនមានក្រុមណាមួយ ដែលជាដៃគូគ្រោះថ្នាក់ សម្រាប់ Bayern Munich ឡើយ ព្រោះថា Bayen Munich អាចលេងឈ្នះដោយងាយស្រួលបំផុត។ ចំណែកនៅ Champion League វិញ Bayern Munich ក៍មានសុវត្ថិភាព ក្នុងការឡើងទៅកាន់វគ្គ១៦ក្រុមចុង​ក្រោយ​ផងដែរ។

https://www.youtube.com/watch?v=QAcJt4zkJjA&t=27s