គ្រូបង្វឹកក្រុមបាល់ទាត់ជម្រើសជាតិកម្ពុជាដែលទើបតែងតាំងថ្មីលោក ប្រាក់ សុវណ្ណារ៉ា បានថ្លែងក្នុងសន្និសីទសារព័ត៌មានមុននេះថា “មិនបាច់ឈ្នះទេ ឲ្យតែបានស្មើជាមួយហ្សកដានី គឺល្អខ្លាំងណាស់សម្រាប់ខ្ញុំ”។

អតីតគ្រូបឹងកេតបាននិយាយថា៖ «ជាធម្មតានៅក្នុងការប្រកួតយើងតែងតែចង់បានលទ្ធផលល្អ បើទោះបីជាដឹងថាកម្រិតលេងរបស់ហ្សកដានីល្អយ៉ាងណាក៏ដោយ សម្រាប់ខ្ញុំមិនបាច់តែឈ្នះទេ ឲ្យតែបានត្រឹមស្មើគឺជាមោតនភាពណាស់ហើយ»។ ហើយបានបន្តទៀតថា​ កាលពីជើងទី១ យើងចាញ់គេដល់ទៅ ៧-០ ដូច្នេះការប្រកួតនៅថ្ងៃស្អែក ជាជំនួបដ៏តឹងតែងបំផុត សម្រាប់សមត្ថភាពមិនចាំបាច់ខ្ញុំនិយាយទេ អ្នកទាំងអសគ្នាដឹងហើយថាកម្រិតរបស់យើងនឹងហ្សកដានី វាខុសគ្នាយ៉ាងមិច។

សូមបញ្ជាក់ថា នៅថ្ងៃទី១៤ ខែវិច្ចិកា ឆ្នាំ២០១៧ខាងមុខ គោព្រៃកម្ពុជា នឹងត្រូវទទួល ហ្សកដានី នាវេលាម៉ោង ៦:៣០ នាទីល្ងាច នៅពហុកីឡដ្ឋានជាតិ ក្នុងវគ្គជម្រុះពូល C នៃពានរង្វាន់ AFC Asian Cup UAE 2019 ដូចគ្នា៕