ថ្វីបើក្រុមកាំភ្លើងធំ Arsenal លេងធ្លាក់ទម្រង់យ៉ាងណាក៍ដោយ ក៍ប៉ុន្តែក្រុមមួយនេះ បានឈ្នះពាន FA Cup ១ ហើិយកាលពីយប់មិញក្រោយឈ្នះក្រុមតោខៀវ Chelsea។

ជ័យជម្នះ ២ទល់១ របស់ Arsenal បានធ្វើឲ្យក្រុមដែលកំពុងត្រដាបត្រដួសមួយនេះ បានឈ្នះពានមួយ ដើម្បីលួងចិត្តអ្នកគាំទ្រ។ Arsenal ធ្វើបានយ៉ាងល្អ ដោយអាចនាំមុខក្រុម Chelsea ១ គ្រាប់មុននៅនាទីទី ៤ ដោយខ្សែប្រយុទ្ធ​ Alexis Sanchez រហូតដល់នាទីទី ៦៨ Chelsea បានទទួលនូវសម្ពាធបន្ថែមទៀតក្រោយពេលដែល Victor Moses បានទទួលកាតលឿងជាលើកទី ២ ត្រូវបានបណ្តេញចេញពីការប្រកួត។ ក៍ប៉ុន្តែ ថ្វីបើមានគ្នា ត្រឹម ១០ នាក់ Chelsea អាចវាយបកតាមស្មើមកវិញនៅនាទីទី ៧៦ ដោយកីឡាករ Diego Costa។ យ៉ាងណាក៍ដោយ ត្រឹមកីឡាករ ១០នាក់មិនអាចឲ្យ Chelsea អាចទប់ការវាយលុកដូចទឹកបាក់ទំនប់របស់ Arsenal បានឡើយ ត្រឹមរយៈពេល ៣ នាទីវិញប៉ុណ្ណោះ ពោលនៅនាទីទី ៧៩ Remsey បានស៊ុតគ្រាប់បាល់ទី ២ ឲ្យ Arsenal។

លទ្ធផល ២-១ នេះត្រូវបានរក្សារហូតដល់បញ្ចប់ការប្រកួត ហើយ Arsenal ក្លាយជាជើងឯក FA Cup ជាលើកទី ១៣។