ក្រុមកាំភ្លើងធំ Arsenal បានចូលរួមប្រជែងជាមួយក្រុមបីសាច​ក្រហម Manchester United ក្នុងការទិញយកខ្សែប្រយុទ្ធស្លាប Gareth Bale ពីក្រុម Real Madrid ។

បើតាមការចុះផ្សយរបស់ Express News បានឲ្យដឹថា ក្រុមកាំភ្លើងធំ Arsenal បានងាកមកចាប់អារម្មណ៍ កីឡាករវែល Gareth Bale ដែលកំពុងតែទទួលការចាប់​អារម្មណ៍ដូចគ្នា ពីក្រុម Man Utd នោះ។ ទាក់ទងនឹងការមកចង់បាន Bale នេះដែរ ប្រភពខាងលើនេះ បានចង្អុលបង្ហាញថា ដោយសារតែ ក្រុម Arsenal ត្រូវរបូតកីឡាករសំខាន់ៗ នៅខែមករាខាងមុខនេះ ដូចជា Mezut Ozil និង Alexis Sanchez ខណ:កីឡាករមួយចំនួនទៀត ក៍អាចនឹងរបូតដែរនោះ។

យ៉ាងណាវិញ សម្រាប់លោក Arsene Wenger វិញ ក៍បានប្រាប់ Express News ឲ្យដឹងដែរថា ក្លិបពិតជាមានគម្រោងចង់បាន Gareth Bale មែន ព្រោះថា Bale ថ្វីបើញាំញី​ដោយសារេបួស តែកីឡាកររូបនេះ មានសមត្ថភាពល្អ ដែលអាចជួយក្លិបបាន។ ជាងនេះទៅទៀត លោក Wenger ហាក់មិនសូវព្រួយបារម្ភជាមួយ ដៃគូប្រជែង បីសាចក្រហម Manchester United ឡើយ ព្រោះថា លោកមានជំនឿចិត្តថា Gareth Bale នឹងមិនសម្លឹង Man Utd ឡើយ ប្រសិនបើមានវត្តមានរបស់ Arsenal នោះ ។

ម្យ៉ាងវិញទៀត នៅ Arsenal អាចមានកន្លែង ១១នាក់សម្រាប់ Bale ស្របពេលដែលនៅ Man Utd វិញ មិនប្រាកដឡើយ ដែលនេះហើយ គឺជាក្តីសង្ឃឹមរបស់លោក Arsene Wenger ក្នុងការប្រជែងជាមួយក្រុម បីសាចក្រហម Manchester United នោះ។ ដូច្នេះហើយ Gareth Bale មិនទាន់ច្បាស់ថា ផ្លាស់មកកាន់ក្លិបណាមួយឡើយរវាង Man Utd និង Arsenal នៅខែមករាខាងមុខនេះ។