នេះគឺជារដូវកាលថ្មីយ៉ាងល្អមួយសម្រាប់ ក្រុមយក្សអ៊ីតាលី Inter Milan ដែលអាចធ្វើបានយ៉ាងល្អ ក្នុងការប្រកួតកន្លងមកនេះ នៅ Serie A ដោយមិនទាន់ស្គាល់ពាក្យថាចាញ់ឡើយ ក្នុងការប្រកួត ១៣លើកកន្លងមកនេះ។

ជាក់ស្តែងណាស់ ក្រុម Inter Milan បានបន្តមកយកឈ្នះក្រុមខ្លាំងគួរសម Atalanta ក្នុងលទ្ធផល ២-០ យប់មិញនេះ ។ ២គ្រាប់របស់ក្រុម Inter Milan រកបានដោយខ្សែប្រយុទ្ធអាហ្សង់ទីន Mauro Icardi ទាំង២ គ្រាប់ដែលកីឡាកររូបនេះ រកបាន​នៅនាទីទី ៥១ និងនាទីទី៦០ ។ យ៉ាងណាវិញនោះ ការស៊ុតរបស់តារាឆ្នើមអាហ្សង់ទីនរូបនេះ បានរក្សានូវកំណត់ត្រាយ៉ាងល្អមួយរបស់ក្រុម Inter Milan ដោយឆ្លងកាត់ ១៣ប្រកួតកន្លងមក ក្រុមអតីតជើងឯក Champion League កាលពីឆ្នាំ ២០១១ មួយនេះ ឈ្នះ ១០ប្រកួត និងស្មើ៣ប្រកួតដោយមិមទាន់ចាញ់ការប្រកួតនៅឡើយទេ។ ម្យ៉ាងវិញទៀតនោះ ក្រុម Inter Milan កំពុងតែឈរលេខរៀងទី២ ក្នុងតារាង ដោយមាន ៣៣ពិន្ទុតាមពីក្រោយក្រុមកំពូលតារាង Napoli ត្រឹមតែ២ពិន្ទុប៉ុណ្ណោះ និងនាំមុខក្រុមការពារតំណែងជើងឯក Juventus វិញ ២ពិន្ទុដូចគ្នា។

ដូច្នេះហើយរដូវកាលនេះ ប្រៀបដូចជាសករាជថ្មី មួយរបស់ក្រុម Inter Milan ដែលចាប់ផ្តើមភាពខ្លាំងក្លារបស់ខ្លួនឡើងវិញនោះ ដែលក្រុមមយនេះ បានបាត់បង់ជិត ៦ឆ្នាំកន្លមកហើយ ក្រោយការចាកចេញរបស់លោក Jose Mourinho កាលពីឆ្នាំ ២០១២ កន្លងមក។

តោះ! មកទស្សនាគ្រាប់បាល់យ៉ាងអស្ចារ្យ ដែលខ្សែប្រយុទ្ធ Mauro Icardi ស៊ុតលើក្រុម Atalanta ខាងក្រោមនេះទាំងអស់គ្នា៖

https://www.youtube.com/watch?v=jhcc1bNPV8A