លោក Diego Simeone គ្រូបង្វឹករបស់ក្រុម Atletico Madrid បានឲ្យដឹងនៅក្រោយពីការប្រកួតជាមួយ Real Madrid ថា ខ្សែប្រយុទ្ធ Antonie Griezmann គួរតែចាកចេញពីក្លិបហើយ។

នេះគឺជារឿងដ៍ភ្ញាក់ផ្អើលមួយ ដែលគ្រូបង្វឹកក្រុម Atletico Madrid លោក Diego Simeone មានបំណងចង់ឲ្យ Griezmann ចាកចេញ ខណៈនាពេលកន្លងមក គ្រូបង្វឹក​រូបនេះ មិនដែលមានបំណងបែបនេះឡើយ។ ជាក់ស្តែងណាស់ បើតាមការចុះផ្សាយរបស់ Express News បានឲ្យដឹងថា លោក Diego Simeone បានយល់ព្រមឲ្យ Antonie Griezmann ចាកចេញហើយ បន្ទាប់ពីបានឃើញទម្រង់លេងរបស់កីឡា​កររូបនេះ ក្រោយប្រកួតស្មើ​០-០ ជាមួយក្រុមស្តេចស Real Madrid ។ លោក Simeone ហាក់ដូចជាយល់យ៉ាងច្បាស់ថា Griezmann មិនមានបំណងចង់លេង ឲ្យក្រុម Atletico Madrid ទៀតឡើយ ព្រោះថា កីឡាករបារាំងរូបនេះ ចង់ចាកចេញពី​ក្រុម អេស្ប៉ាញតាំងពីរដូវក្តៅកន្លងមកម្លេះ។​

ម្យ៉ាងវិញទៀតនោះ គ្រូបង្វឹកអាហ្សង់ទីនរូបនេះជឿជាក់ថា Griezmann នឹងមិនផ្លាស់ទៅកាន់ក្រុម Real Madrid ឬ Barcelona ដែលជាគូប្រជែងយ៉ាងធំ​ នៅ Laliga ឡើយ ដោយលោកចង់ឲ្យកីឡាកររូបនេះ ផ្លាស់ ទៅលេងនៅ Premier League ឬក៍ League 1 វិញ។ ក្នុងនោះដែរ លោក Simeone ក៍បានសម្លឹងឃើញ កីឡាករថ្មី ជំនួស​ Griezmann រួចទៅហើយ តែលោកមិនទាន់បញ្ចេញឈ្មោះឲ្យដឹងនៅឡើយទេ ដោយរង់ចាំ ខែមករាខាងមុខនេះមកដល់សិន។

ដូច្នេះហើយ លោក Diego Simeone នឹងបើកផ្លួវឲ្យខ្សែ​ប្រយុទ្ធ Antonie Griezmann ចាកចេញនៅខែមករា​ខាងមុខនេះហើយ ដើម្បីឲ្យកីឡាកររូបនេះ ស្វែងរកអនាគត់​ថ្មី យ៉ាងប្រសើរនៅក្លិបថ្មី របស់គេ។