លោក Pep Guadiola គ្រូបង្វឹករបស់ក្រុម Manchester City នឹងមិនឲ្យក្រុម Barcelona នាំយកខ្សែបម្រើ Riyad Mahrez បានមុនឡើយ ដោយក្លិបអង់គ្លេសមួយនេះ នឹង​នាំយកកីឡាករអាល់សេរ៉ីរូបនេះ នៅខែមករា។

តាមរយៈ ការចុះផ្សាយរបស់ Don Balon បានឲ្យដឹងថា ក្រុម Manchester City នឹងនាំយកខ្សែបម្រើស្លាបអាល់សេរ៉ី Riyad Mahrez នៅខែមករាខាងមុខនេះ ដើម្បីមកបំពេញតំបន់ស្លាបរបស់ក្រុមអង់គ្លេសមួយនេះ។ ជាក់ស្តែងណាស់ Mahrez កំពុងតែត្រូវបានខ្សែប្រយុទ្ធ Lionel Messi ណែនាំក្រុម Barcelona ឲ្យទិញកីឡាកររូបនេះ ជំនួសការទិញយក Dele Alli ពីក្រុម Tottenham ។ យ៉ាងណាវិញនោះ ក្រុម​ Manchester City​ ក្រោមការដឹកនាំរបស់លោក​ Pep Guadiola ពិតជាមិនចង់បាត់បង់ឱកាសក្នុងការនាំយក​ Mahrez ឡើយ។

ម្យ៉ាងវិញទៀតនោះ លោក Pep ជឿជាក់ថា Mahrez នឹងក្លាយជាកីឡាករមួយរូប ដែល​មានភាពលេចធ្លោ ប្រសិនបើផ្លាស់ទៅលេងនៅក្រុម Man City នោះ ព្រោះថា Man City ថ្វីបើជាក្រុមកំពូលតារាងនៅ Premier League នាពេលបច្ចុប្បន្ននេះមែន តែសម្រាប់តំបន់ស្លាប នៅមិនទាន់ល្មមឲ្យក្រុមមួយនេះ មិនត្រូវការកីឡាករថ្មីឡើយ។ យ៉ាងណាវិញនោះ លោក Pep Guadiola នឹងសម្រេចិត្តនាំយក Riyad Mahrez ឲ្យបាននៅខែមករា ខាងមុខនេះ ដើម្បីការពារក្រុម Barcelona ដែលចង់បានដូចគ្នានោះ។

ដូច្នេះហើយ​​ Riyad Mahrez នឆងមិនបន្តអនាគត់ នៅក្រុម Leicester City ទៀតឡើយ នៅខែមករាខាងមុខនេះ ខណៈក្រុម Manchester City និង Barcelona កំពុងតែសម្លឹងឃើញកីឡាកររូបនេះ។