ថ្វីបើអ្នកចាំទីប៊ែហ្ស៊ិក Thibaut Courtois តែងតែលេង​ក្នុងជម្រើស១១នាក់ដំបូងរបស់ក្រុម តោខៀវ Chelsea គ្រប់ការប្រកួតក៍ដោយ ក៍ប៉ុន្តែបើតាមពត៌មានចុងក្រោយនេះ បានបង្ហញឲ្យដឹងថា កីឡាកររូបនេះ មិនចង់បន្តលេងនៅ Chelsea ទៀតឡើយ។

បើតាមការចុះផ្សាយរបស់ Daily Mail បានឲ្យដឹងថា​ អ្នកចាំទីដែលមានកម្ពស់ខ្ពស់ Thibaut Courtois ត្រូវ​បានទម្លាយឲ្យដឹងថា រូបគេមិនចង់លេងឲ្យក្រុម តោខៀវ Chelsea ទៀតឡើយ។ ការលចធ្លាយនូវពត៌មាននេះ ធ្វើឡើងស្របពេលដែលក្រុម Real Madrid ក៍បានបង្ហាញ​ចេទនាចង់បាន អ្នកចាំទីរូបនេះ ផងដែរ ប្រសិនបើក្លិបយក្សអេស្ប៉ាញមួយនេះ ទិញមិនបានអ្នកចាំទី អេស្ប៉ាញ របស់ក្រុមបីសាចក្រហម Manchester United កីឡាករ​ Devid De Gea ទេនោះ។

ទាក់ទងទៅនឹង ការចង់ចាកចេញពីក្រុម តោខៀវ Chelsea នេះដែរ ត្រូវបានគេឲ្យដឹងថា ដោយសារតែ Thibaut Courtois យល់ឃើញថា ការលេងនៅអង់គ្លេស រូបគេមិនមានអភិវឌ្ឍន៍ខ្លួន ដូចកាលនៅអេស្ប៉ាញឡើយ។ ម្យ៉ាងវិញទៀតនោះ ប្រភពខាងលើដដែលនេះ បានឲ្យដឹងទៀតថា Courtois នឹងចាកចេញ ប្រសិនបើមានក្លិបធំណាមួយទាក់ទង​រូបគេឲ្យទៅចូលរួមនោះ ខណ:តាមរយ:ពត៌មានកន្លងមក គឺមានតែក្រុម Real Madrid ប៉ុណ្ណោះ ដែលបង្ហាញជំហរ ចង់បានអ្នកចាំទីប៊ែលហ្ស៊ិករូបនេះ។

ដូច្នេះហើយ Thibaut Courtois នឹងមិនបន្តនៅក្រុមតោខៀវ Chelsea ទៀតឡើយ ប្រសិនបើក្រុម Real Madrid ខកចិត្តពីការទិញ Devid De Gea នោះ Thibaut Courtois ច្បាស់ណាស់ក្នុងការផ្លាស់ទៅកាន់ Real Madrid ជាក់ជាមិនខាន។