នេះគឺជារឿងដ៍ភ្ញាក់ផ្អើលមួយ ដែលកំពូលខ្សែប្រយុទ្ធ អាហ្សង់ទីន​ Lionel Messi ប្រឆាំងក្រុម Barcelona ក្នុងការនាំយកខ្សែបម្រើប្រយុទ្ធអាឡឺម៉ង់ Mesut Ozil នៅខែមករាខាងមុខនេះ។

បើតាមការឲ្យដឹងរបស់ Diario Gol បានឲ្យដឹងថា Lionel Messi បានបញ្ចេញនូវប្រតិកម្ម ជុំវិញក្រុម Barcelona ដែលចង់ទិញ Mesut Ozil នៅខែមករាខាងមុខនេះ។ ជាការពិតណាស់ នាពេលកន្លងមក Messi តែងតែណែនាំ​ក្រុម Barcelona ទៅតាម ការចង់បានរបស់រូបគេជានិច្ច ក្នុងនោះដែរ ដំបូងឡើយ Messi ណែនាំឲ្យទិញ Dele Alli និងបន្ទាប់មក ទិញ Riyad Mahrez ។ យ៉ាងណាវិញ ចំពោះក្រុម Barcelona ដែលចង់បាន Ozil នោះ បែរជាត្រូវ Messi មិនពេញចិត្តទៅវិញ ព្រោះថា រវាង Messi និង Ozil ដូចជាមិនសូវមានទំនាក់ទំនងល្អនឹងគ្នា​ឡើយ។

ក្នុងនោះដែរ តាមការឲ្យដឹងពីប្រភពខាងលើដដែល បានឲ្យដឹងបន្ថែមទៀតថា ការបដិសេធ Ozil នេះ គឺ Messi ចង់ឲ្យ Barcelona ទិញ Mahrez វិញ ព្រោះថា Mahrez អាចនឹងល្អជាង Ozil ប្រសិនបើលេងនៅក្លិបធំៗ ដូចគ្នានោះ។ ម្យ៉ាងវិញទៀតនោះ Messi បានយល់យ៉ាងច្បាស់ថា Ozil កំពុងតែលេងធ្លាក់ទម្រង់​ហើយ ទាំងការលេងនៅជម្រើសជាតិអាឡឺម៉ង់ និងក្រុមកាំ​ភ្លើងធំ Arsenal ចំណែក​ Mahrez វិញ ហាក់មានភាព​ប្រសើរជាង Ozil ឆ្ងាយណាស់។ ជាងនេះទៅទៀត Messi ធ្លាប់ជាគូប្រជែង ជាមួយ Ozil កាលពីលេងនៅ Real Madrid ដែលតារាឆ្នើមរូបនេះ មិនចង់ាប់ដៃគូលេងជាមួយ​ឡើយ។

ដូច្នេះហើយ ការបង្ហាញនូវការមិនពេញចិត្ត ចំពោះក្រុម Barcelona នោះ គឺ Lionel Messi មានបំណងចង់ឲ្យក្រុមអេស្ប៉ាញមួយនេះ ទិញយក Riyad Mahrez វិញ។