ក្រុមហង្សក្រហម Liverpool បានត្រៀមរួចរាល់ហើយ ក្នុងការខ្ចីជើង ខ្សែបម្រើអាឡឺម៉ង់ Julian Draxler ពីក្រុម​ Paris Saint Germain នៅខែមករាខាងមុខនេះ។

បើតាមកាចុះផ្សាយរបស់ Talk Sports បានឲ្យដឹងថា​លោក Klopp គ្រូបង្វឹកក្រុមហង្សក្រហម Liverpool បានសម្លឹងឃើញ ខ្សែបម្រើ Julian Draxler ពីក្រុម Paris Saint Germain ហើយ។ ជាក់ស្តែងណាស់ គ្រូបង្វឹករូបនេះ បានត្រៀមខ្លួនរួចហើយ ក្នុងការនាំយកកីឡាករអាឡឺម៉ង់នេះ នៅខែមករាខាងមុខ ។ ក៍ប៉ុន្តែ បើតាមប្រភពខាងលើដដែលនេះ បានឲ្យដឹងបន្ថែមទៀតថា ការនាំយក Draxler មកកាន់ Anfield នេះដែរ គឺមិនមែនក្រុមហង្សក្រហម Liverpool ទិញមកឡើយ តែក្រុមអង់គ្លេសមួយនេះ យកមកក្នុងលក្ខខ័ណ្ឌខ្ចីជើងប៉ុណ្ណោះ។

ម្យ៉ាងវិញទៀតនោះ ខាងក្រុម Paris Saint Germain វិញ មិនមានប្រតិកម្ម​ឡើយ ព្រោះថា ក្រុមបារាំងមួយនេះ ក៍មានបំណងលក់ចេញ Draxler ដែរ ដោយសារតែ ក្រុម PSG កំពុងតែពោរពេញទៅដោយ Super Star នាពេលបច្ចុប្បន្ននេះ។ ដូច្នេះហើយ​ ក្រុមហង្សក្រហម មានសង្ឃឹមច្រើនណាស់ ក្នុងការនាំយក ខ្សែបម្រើប្រយុទ្ធ អាឡឺម៉ង់ Julian Draxler ក្នុងលក្ខខ័ណ្ឌខ្ចីជើង ពីក្រុម Paris Saint Germain នៅខែមករាខាងមុខនេះ ជាក់ជាមិនខាន។

ជាងនេះទៅទៀត ប្រហែលជាក្រុម Paris Saint Germain ក៍មិនទុកកីឡាករអាឡឺម៉ង់នេះដែរ ដោយសារតែ Draxler ត្រូវការលេងក្នុងជម្រើស ១១នាក់​ដំបូង​ខណៈ Paris Saint Germain មិនមានតំណែងនេះទេ ក៍ប៉ុន្តែ ក្រុមហង្សក្រហម Liverpool នឹងមានកន្លែង ១១នាក់ដំបូង សម្រាប់កីឡាករអាឡឺម៉ង់រូបនេះ ខណៈ Philippe Coutinho នឹងចាកចេញវិញ។