ថ្មីៗកន្លងមកនេះ ប្រភពពត៌មានជាច្រើន បានឲ្យដឹងថា ខ្សែបម្រើកណ្តាល សក់សំពោង Marouane Fellaini ទំនងជាមិនទាន់ ដល់ពេលដែលកីឡាករប៊ែលហ្ស៊ិករូបនេះ ត្រូវទៅបញ្ចប់អាជីពនៅតួគីឡើយ។

ជាក់ស្តែងណាស់ បើតាមការចុះផ្សាយរបស់ Le10 Sports​ ក្នុងប្រទេសបារាំង បានឲ្យដឹងថា ក្រុម Paris Saint Germain កំពុងតែត្រៀមប្រជែងក្រុមតួគី​ Fernabache ក្នុងការនាំយក Marouane Fellaini នៅរដូវក្តៅក្រោយនេះ។ ជាការពិតណាស់ ការចូលខ្លួនរបស់ក្រុម ដែលកំពុងឡើងកូដទាំងនៅបារាំង Champion League មួយនេះបានបង្ហាញយ៉ាងច្បាស់​នូវ​ក្តីសង្ឃឹមរបស់ Fellaini ក្នុងការបន្តអាជីព​ នៅលីគកំពូលដ៍ធំរបស់អឺរ៉ុបបន្តទៀត។ ប្រសិនបើ Fellaini ​ ពិតជាត្រូវផ្លាស់ទៅកាន់តួគីមែននោះ ច្បាស់ណាស់ថាកីឡា​ករសក់សំពោងរូបនេះ នឹងត្រូវបញ្ចប់អាជីព ក្នុងថ្ងៃណាមួយ​ជាក់ជាមិនខាន ព្រោះថាតាមរយៈវ័យ៣០ឆ្នាំ ពេលនេះ វាមិនអាចឲ្យ Fellaini សាងភាពល្បីល្បាញបានទៀតឡើយ។

ផ្ទុយមកវិញ បើសិនជា Fellaini មកកាន់ Paris Saint Germain វិញនោះ វាមិនដូចគ្នាឡើយ ខណៈ Paris Saint Germain ជាក្រុមខ្លាំង មានប្រជាប្រិយភាព ពោរពេញទៅ​ដោយកីឡាករល្បីៗ ធ្វើការប្រកួតប្រជែងច្រើន។ ម្យ៉ាងវិញ​ទៀតនោះ ក្រោយពីអស់តំណែងនៅក្រុមកំពូលបារាំងមួយ​នេះ Fellaini នៅមានក្រុមផ្សេងទៀត ចាប់អារម្មណ៍រូបគេ អាចប្រហែលជានៅឋេរ ក្នុងលីគកំពូលអឺរ៉ុបផងដែរ គ្រាន់តែ​ផ្លាស់ទៅក្លិបតូចៗប៉ុណ្ណោះ។ ក៍ប៉ុន្តែ បើទៅតួគីវិញនោះ នឹងមិនមានក្រុមនៅលីគកំពូលអឺរ៉ុបចាប់អារម្មណ៍ឡើយ ព្រោះថាកីឡាករដែលមានវ័យចំណាស់ នៅតួគីមិនដែលត្រូវ​បានក្រុមនៅលីគល្អចាប់អារម្មណ៍យកមកណាស់ លើកលែងតែក្មេងៗប៉ុណ្ណោះ។

ដូច្នេះហើយ ខ្សែបម្រើសក់​សំពោង Marouane Fellani អាចនឹងផ្លាស់ទៅកាន់ក្រុម Paris Saint Germain នៅរដូវក្តៅខាងមុខនេះ ជាក់ជាមិនខាន។