បន្ទាប់ពីមានការស្នើសុំពីកម្ពុជា ម្ចាស់ផ្ទះម៉ាឡេស៊ីបានយល់ព្រមដាក់ប្រភេទទម្ងន់តេក្វាន់ដូ៧៣គីឡូក្រាម ដែលត្រូវនិងវិរ:នារី ស៊ន សៀវម៉ី ចូលក្នុងស៊ីហ្គេមឆ្នាំ២០១៧។ នេះបើតាមការបញ្ជាក់ពីទំព័រផ្លូវការរបស់គណ:កម្មការជាតិអូឡាំពិកកម្ពុជា។

កន្លងមក ពិសេសស៊ីហ្គេមកាលពីឆ្នាំ២០១៥ នៅប្រទេសសិង្ហបុរី ម្ចាស់មេដាយមាសទ្វីបអាស៊ីរបស់កម្ពុជា មិនមានឱកាសចូលប្រជែងមេដាយក្នុងព្រិត្តិការណ៍កម្រិតតំបន់នេះឡើយ ដោយគណ:កម្មការមិនបានដាក់បញ្ចូល។

វត្តមានជាថ្មីនេះ អាចជាក្តីរំពឹងក្រសោបមេដាយបន្ថែមសម្រាប់កម្ពុជា ត្បិត សៀវម៉ី មានបទពិសោធន៍ច្រើនលើឆាកអន្តរជាតិ ពិសេសទើបតែទទួលបានជើងឯកវគ្គជម្រុះកៅអី Olympic Game ផងដែរ។