កាលពីល្ងាចថ្ងៃពុធ ទី ២៩ ខែ វិច្ឆិកា ឆ្នាំ ២០១៧ ក្នុងការប្រកួតបាល់ទាត់ដណ្ដើមពានរង្វាន់សម្ដេច ហ៊ុន សែន នៃវគ្គពាក់កណ្តាលផ្តាច់ព្រ័ត្រ ជើងទី១ ដោយ ក្រុម ណាហ្គាវើល បានយកឈ្នះ បឹងកេតអេហ្វសុី ដោយលទ្ធផល ១ទល់០ នាពហុកីឡដ្ឋានជាតិ។

គ្រាប់បាល់ជ័យជម្នះរបស់ ណាហ្គាវើល រកបានដោយកីឡាករ ញឹម សុវណ្ណារ៉ា នៅនាទីទី ៣ នៃដើមវគ្គទី១ ។ ក្រុមទាំងពីរបានធ្វើការវាយសម្រុកគ្នាយ៉ាងខ្លាំង ប៉ុន្តែមិនមានកីឡាករណាអាចបំប៉ោងសំណាញ់ទីបានទៀតឡើយ ដូច្នេះចប់ការប្រកួត ៩០ នាទី បឹងកេត បរាជ័យក្រោមថ្វីជើង ណាហ្គាវើល ១ទល់០ នៅជើងទី១ នៃពានរង្វាន់ Hun Sen Cup។

សូមជំរាបជូនថា ក្រុមទាំងពីរនឹងត្រូវប្រកួតម្តងទៀតនៅជើងទី២ នាថ្ងៃទី១៣ ខែធ្នូ ឆ្នាំ២០១៧ ខាងមុខ នាវេលាម៉ោង ៦:០០ នាទីល្ងាច នៅពហុកីឡដ្ឋានជាតិដដែល៕