ក្រុមបាល់ទាត់ Manchester City នៅតែអាចរក៣ពិន្ទុ បានដដែល បន្ទាប់ពីបន្តមកយកឈ្នះក្រុម Southampton ក្នុងលទ្ធផល ២-១ យប់មិញនេះ។

យ៉ាងណាវិញ សម្រាប់ការប្រកួតនេះ ខ្សែប្រយុទ្ធអង់គ្លេស Raheem Sterling បានក្លាយជាតួអង្គយ៉ាងសំខាន់របស់ Man City ដោយកីឡាកររូបនេះ បានស៊ុតនៅចុងម៉ោង ដែលជាម៉ោងគ្រោះថ្នាក់ ជួយឲ្យ Man City បនតឈ្នះការ​ប្រកួតនេះទៀត។ គួរបញ្ជាក់ផងដែរថា នៅក្នុងតង់ទី១ ក្រុមទាំង២ មិនអាចទាត់បញ្ចូលទីគ្នាបានឡើយ បើទោះបីជា មានឱកាសខ្លះៗក៍ដោយ។ ក៍ប៉ុន្តែឈានចូលដល់តង់ទី២ ក្រុមម្ចាស់ផ្ទះ Manchester City បានបើកការនាំមុខមុន​ នៅនាទីទី៤៧ ដើមតង់ ដោយការស៊ុតរបស់ខ្សែបម្រើកំពុងឡើងជើង Kevin de Bruyne ។

យ៉ាងណាវិញ ការនាំមុខនេះ មិនស្ថិតស្ថេរឡើយ ព្រោះថា នៅនាទីទី៧៥ ក្រុម Southampton អាចតាមស្មើបានមកវិញ តាមរយៈការ​ស៊ុតរបស់ កីឡាករ Oriol Romeu ដែលធ្វើឲ្យ Man City មានការព្រួយបារម្ភ ក្នុងការរបូតពិន្ទុ ពីការប្រកួតនេះ។ ក៍ប៉ុន្តែ នៅនាទីទី៩០+៦ ខ្សែប្រយុទ្ធ អង់គ្លេស Raheem Sterling ធ្វើបានយ៉ាងល្អ ដោយអាចស៊ុតបញ្ចូលទី គ្រាប់បាល់ជ័យជម្នះឲ្យក្រុម Manchester City បានវិញ។

ដូច្នេះហើយ ក្រុម Manchester City នៅតែរក្សាតំណែងកំពូលតារាងដដែល ដោយមិនទាន់ភ្លាត់ចាញ់មួយប្រកួតណានៅឡើយទេ។

https://www.youtube.com/watch?v=BvknfDet364&t=10s