អតីតអ្នកចាំទីប្រធានក្រុមជម្រើសជាតិអេស្ប៉ាញ និង Real Madrid កីឡាករ Iker Casillas កំពុងតែលេចចេនូវពន្លឺ ក្នុងការផ្លាស់មកកាន់ក្របខ័ណ្ឌកំពូលអង់គ្លេស​ Premier League ហើយនៅក្នុងពេលដ៍ខ្លីខាងមុខនេះ។

បើតាមការឲ្យដឹងពី Newcatle Chronical បានឲ្យដឹងថា ក្រុមសារិកាព្រៃ Newcastle United បានសម្លឹងឃើញអ្នកចាំទីអេស្ប៉ាញវ័យ៣៦ឆ្នាំ ដែលជាអតីតអ្នកចាំទីដ៍ឆ្នើមរបស់ក្រុមអធិរាជស Real Madrid គឺកីឡាករ Iker Casillas ។ ជាការពិតណាស់ Casillas នៅសល់កុងត្រាែ ៦ខែទៀតប៉ុណ្ណោះ ជាមួយក្រុម FC Porto ខណៈពាក្យចរចាមអារាម កន្លងមកថា កីឡាកររូបនេះ អាចមកលេងឲ្យក្រុមហង្សក្រហម Liverpool នៅពេលផុតកុងត្រា ជាមួយ Porto ។

យ៉ាងណាក៍ដោយ ក្រុម Newcastle United បានសម្លឹងឃើញ អ្នកចាំទីវ័យ ៣៦ឆ្នាំរូបនេះហើយ ស្របពេលដែលលោក Rafael Benitez ជឿជាក់ថា ការនាំយក Casillas មកកាន់ក្លិប អាចធ្វើឲ្យក្លិប មិនសូវរបញតគ្រាប់បាល់ ដូចពេលនេះឡើយ។ ចំណែក Casillas វិញ មិនទាន់ដឹងច្បាស់ថា រូបគេនឹងបន្តអាជីព​បាល់ទាត់ ឬចូលនិវត្តន៍ឡើយ ព្រោះវ័យរបស់កីឡាកររូបនេះ កាន់តែជ្រេណាស់ទៅហើយ ជាហេតុធ្វើឲ្យសមត្ថភាព មិនដូចមុនឡើយ។

ម្យ៉ាងវិញទៀតនោះ នៅ Premier League ខុសពីអេស្ប៉ាញ និងព័រទុយហ្គាល់ ដែលមិនប្រាកដថា Casillas អាចការពារបាល់មិនឲ្យចូល​ទីបានយ៉ាងល្អ ដូចនៅ Real Madrid និង Porto ឡើយ។ ដូច្នេះហើយ រង់ចាំមើលថា តើក្រុមសារិកាព្រៃ Newcaste United អាចនាំយកអតីតអ្នកចាំទីដ៍ឆ្នើម របសក្រុមជម្រើសជាតិអេស្ប៉ាញ និង Real Madrid កីឡាករ Iker Casillas បានឬក៍យ៉ាងណា?